ქართული ენისა და ლიტერატურის გამოცდაზე დღეს 9 აბიტურიენტი არ გამოცხადდა

ერთიან ეროვნულ გამოცდებზე, ქართულ ენასა და ლიტერატურაში, პირველი სესიის რეგისტრაცია 08:00 საათიდან დაიწყო, მეორე სესია კი 14:00 საათიდან.

ახალციხის საგამოცდო ცენტრის კოორდინატორის გელა ინასარიძის განმარტებით, პირველ სესიაზეც 240 და მეორე სესიაზეც 240 აბიტურიენტი იყო რეგისტრირებული თუმცა, აქედან დილის საათებში 234, ხოლო შუადღეს 237 აბიტურიენტი გამოცხადდა.

ქართულ ენასა და ლიტერატურაში გამოცდის მეორე დღემაც ახალციხეში, მშვიდ ვითარებაში ჩაიარა. გამოცდების პირველ დღეს ორივე სესიაზე 469 აბიტურიენტი იყო რეგისტრირებული, თუმცა 5 მათგანი არ გამოცხადდა.

ერთიანი ეროვნული გამოცდები ზოგად უნარებში 6 და 7 ივლისს გაიმართება.

შეგახსენებთ, რომ მთელი ქვეყნის მასშტაბით 2017 წლის ერთიანი ეროვნული გამოცდები დღეიდან 3 ივლისიდან დაიწყო და 27 ივლისს დასრულდება.

[sknews.ge]