ერთიანი ეროვნული გამოცდები დაიწყო

2014 წლის ერთიანი ეროვნული გამოცდები, დღეს, 26 ივნისს ქართული ენისა და ლიტერატურის გამოცდით დაიწყო. გამოცდაზე 3 აბიტურიენტი არ გამოცხადდა.

ქართული ენისა და ლიტერატურის გამოცდის პირველი სესიისთვის რეგისტრაცია 08:00 საათზე, გამოცდა კი 09:00 საათზე დაიწყო.
ახალციხის საგამოცდო ცენტრში პირველ სესიაზე დარეგისტრირებული 221 აბიტურიენტიდან, 3 არ გამოცხადდა.

ახალციხის საგამოცდო ცენტრის ადმინისტრატორის გელა ინასარიძის განმარტებით საგამოცდო პროცესი მშვიდ ვითარებაში მიმდინარეობს.
„დღეს ქართული ენისა და ლიტერატურის გამოცდა ორ სესიად ჩატარდება. თითო სესია 4 საათიანია. სულ 15 სექტორია და თითოეულ სექტორს ერთი მეთვალყურე და ერთი კურატორი ყავს“, – ამბობს გელა ინასარიძე.

ქართული ენისა და ლიტერატურის გამოცდის მეორე სესია 14:00 საათზე დაიწყება.

ერთიანი ეროვნული გამოცდები წელს ახალციხის N5 საჯარო სკოლაში ტარდება.

საგამოცდო ცენტრთან მობილიზებულია სასწრაფო სამედიცინო სამსახური და სახანძრო სამაშველო ბრიგადა. წესრიგს საპატრულო პოლიცია უზრუნველყოფს.


[თინათინ ზაზაძე, ახალციხე]