ქართული ენისა და ლიტერატურის გამოცდის მეორე სესიაზე 2 აბიტურიენტი არ გამოცხადდა

ქართული ენისა და ლიტერატურის გამოცდის მეორე სესიის რეგისტრაცია 14:00 საათზე დაიწყო. ამ ეტაპზე გამოცდისთვის 17 სექტორია დაკავებული.

საგამოცდო პროცესს 22 მეთვალყურე და ამდენივე კურატორი ადევნებს თვალს. თითო სექტორიში 1 ადგილობრივი კურატორი და 1 მეთვალყურეა.

ახალციხის საგამოცდო ცენტრის ადმინისტრატორის, გელა ინასარიძის განცხადებით, გამოცდები მშვიდ ვითარებაში მიმდინარეობს. საგამოცდო პროცესიდან არცერთი აბიტურიენტი არ მოხსნილა.

შეგახსენებთ, რომ ერთიანი ეროვნული გამოცდები, ქართული ენისა და ლიტერატურის გამოცდით, დღეს, 2 ივლისს დაიწყო. პირველ სესიაზე რეგისტრირებული 255 აბიტურიენტიდან ორი არ გამოცხადდა.

4 აბიტურიენტს, რომელსაც მხედველობის პრობლემა ჰქონდათ საგამოცდო პროცესი 20 წუთით გაუხანგრძლივდათ, აქედან ორი ცალკე სარეზერვო ოთახში დასვეს და მათ გამოცდის ჩაბარებისთვის დამატებით 40 წუთი მისცეს.

[თინათინ ზაზაძე, ახალციხე]