რა გადაწყვიტა სასამართლომ ახალციხის ოლქში N2 და N20 უბნებთან დაკავშირებით

ახალციხის რაიონული სასამართლოს მოსამართლემ ნათია მერაბიშვილმა ახალგაზრდა ირუსიტთა ასოციაციის წარმომადგენლის მაია გრძელიშვილის სარჩელი არ დააკმაყოფილა. მოსამართლემ გადაწყვეტილება დღეს, 21 ივნისს გამოაცხადა.

გრძელიშვილი N2 და N20 უბნებთან დაკავშირებით N37 ახალციხის საოლქო საარჩევნო კომისიის თავმჯდომარის N123-ე განკარგულების ბათილად ითხოვდა. გრძელიშვილს ამ განკარგულებით უარი ეთქვა ოლქში წარდგენილ საჩივარზე, რომელიც კომისიის თავმჯდომარეებისა და მდივნების მიმართ ადმინისტრაციულ სამართალდარღვევათა ოქმების შედგენას ითვალისწინებდა . აქედან გამომდინარე საიას წარმომადგენელი ითხოვდა, სასამართლოს დაევალდებულებინა საოლქო კომისიის თავმჯდომარე, რომ N2 და N20 უბნებზე თავმჯდომარისა და მდივნების მიმართ ადმინისტრაციულ სამართლებრივი აქტი შეედგინა, ასევე თავმჯდომარეები და მდივნები დაეჯარიმებინა.

სასამართლომ გრძელიშვილის არცერთი მოთხოვნა არ დააკმაყოფილა. მერაბიშვილის განმარტებით შეცდომები ტექნიკური ხასიათის იყო და არჩევნების შედეგებზე გავლენას ვერ ახდენდა.

გაასაჩივრებს თუ არა საია ახალციხის რაიონული სასამართლოს გადაწყვეტილებას ჯერ უცნობია.

[თამუნა უჩიძე, ახალციხე]