საიას და „სამართლიან არჩევნებს“ დაუკმაყოფილებელი სარჩელები არ გაუსაჩივრებიათ

ასპინძაში N4 დამალის საარჩევნო უბანზე ბათილი ბიულეტენების სიმრავლის გამო „ახალგაზრდა იურისტთა ასოციაციის“ სარჩელი, რომლის მიხედვითაც ორგანიზაცია ხელახლა გადასინჯვას ითხოვდა, სასამართლომ არ დააკამყოფილა. თუმცა, საიას აღნიშნული გადაწყვეტილება სააპელაციოში არ გაუსაჩივრებია.

ახალციხის რაიონულმა სასამართლომ არ დააკმაყოფილა ასევე „სამართლიანი არჩევნების“ სარჩელი N30 და N35 უბნების შემაჯამებელ ოქმებთან დაკავშირებით. აქ ოქმებს ბეჭდები არ ჰქონდა დასმული. თუმცა, პირველი ინსტანციის სასამართლოს გადაწყვეტილება ზემდგომში არც „სამართლიან არჩევნებს" გაუსაჩივრებია.

„სასამართლომ ჩვენი სხვა მოთხოვნები დააკამყოფილა, თან ბევრი პროცესი გვაქვს ამ ყველაფერთან ერთად და იმიტომ აღარ გავასაჩივრეთ“, – გვითხრეს „სამართლიან არჩევნებში“.

[თამუნა უჩიძე, ახალციხე]