ახალქალაქის საოლქომ სამი დარჩენილი საჩივრიდან არცერთი არ დააკმაყოფილა

ახალქალაქის ოლქში შესული 12 საჩივრიდან სამი „სამართლიანი არჩევნებმა“ N1 ახალქალაქის, N13 ორჯასა და N14 მაჭატიას უბნებზე დაწერა. ორგანიზაციის განმარტებით, აღნიშნულ უბნებზე შემაჯამებელ ოქმებში საპრეზიდენტო კანდიდატებისათვის შალვა ნათელაშვილისთვის, ზურაბ ჯაფარიძისათვისა და მიხეილ სალუაშვილისათვის მიცემული ხმების რაოდენობა გადასწორებული იყო. „სამართლიანი არჩევნები“ ამ უბნებზე თავმჯდომარეებისა და მდივნების ადმინისტრაციული პასუხისმგებლობის დაყენებას ითხოვდა. კომისიამ სამივე საჩივარი განიხილა, თუმცა არცერთი არ დააკმაყოფილა.

„შემაჯამებელ ოქმებში შეცდომები დაშვებული მექანიკურად იყო. ასევე, ერთ–ერთ ოქმში დასმული იქსის ნიშანი „სამართლიანი არჩევნების“ წარმომადგენელმა აღიქვა, როგორც შვიდიანი, არადა იქსი ნიშნავს ნულს. რა თქმა უნდა ამ საჩივრებს თან ახლდა უბნის თავმჯდომარეების ახსნა განმარტებითი ბარათებიც“, – ამბობს ახალქალაქის საოლქო საარჩევნო კომისიის თვამჯდომარე ჰასმიკ მარანგოზიანი.

[მარიამ ბარძიმაძე, ახალქალაქი]