სტიქიამ ასპინძა 1.343.022 ლარით აზარალა

ასპინძის მუნიციპალიტეტის გამგეობაში შექმნილმა სპეციალურმა კომისიამ 12 მაისს მუნიციპალიტეტში სტიქიით მიყენებული ზარალის ოდენობა დააჯამა.

დაბა ასპინძაში საცხოვრებელ სახლებს 10,712 ლარის ზიანია მიადგა; დაბაში დაზიანებული სკვერის რეაბილიტაციას 18,500 ლარი დასჭირდება; ასფალტის საფარის აღდგენას - 40,000; 4-5 სარწყავი არხის ქვა -ღორღისგან გაწმენდას - 35,000; ხიდებს - 24,130; წყლის კალაპოტისა და მორღვეული გაბიონების მოწესრიგებას 670,080; სასოფლო-სამურნეო სავარგულების დაზიანებით მიღებული ზარალი კი 90,000 ლარია;

დიდია ზარალი სოფელ დამალაშიც: საცხოვრებელი სახლები - 33,169 ლარი, გზები 24,000, ნაპირსამაგრი სამუშაოები 36,000, სასოფლო-სამეურნეო სავარგულები - 83,673;

შედარებით ნაკლებად დაზარალდა ოშორა: საცხოვრებული სახლები 4,660, ხიდები 10,830, სასოფლო სამეუნრეო სავარგულები - 3,948;

რაც შეეხება იდუმალას, აქ მხოლოდ ერთი სახლი დაზიანდა და მის შეკეთებას 500 ლარი დასჭირდება, ხიდის აღდგენას - 5,000, სასოფლო-სამურნეო სავარგულებს - 2,143;

7,000 ლარია საჭირო აწყვიტაში საცხოვრებელი სახლების შესაკეთებლად, გზისთვის 4,000, სასოფლო-სამურნეო სავარგულებს კი 2,476 ლარი დასჭირდება;

ჩამოთვილილი სოფლებიდან განსაკუთრებით ოთა დაზარალდა, მოვარდნილმა ნიაღვარმა სწორედ ეს სოფელი გამოაიარა. აქ საცხოვრებელ სახლებს 27,460 ლარის ზიანი მიადგა, ასევე წყალმა წაიღო ხიდები და მათ აღდგენას 53,127 ლარი სჭირდება. რაც შეეხება სასოფლო სამეურნეო სავარგულებს, ოთაში ზარალი 96,614 ლარს ითვლის.

ჯამში მუნიციპალიტეტზე მიყენებულმა ზარალმა 1,343,022 ლარი შეადგინა;

ასპინძის მუნიციალიტეტის გამგებლის მოადგილის, ალექსანდრე პაპაშვილის განცხადებით, კომისიას თითოეულ დაზიანებულ ობიექტზე დოკუმენტაციის შესადგენად დრო კიდევ სჭირდება, ყველაფრის დასრულების შემდეგ კი მასალები რეგიონული განვითარებისა და ინფრასტრუქტურის სამინისტროს გადაეცემა.



[თამუნა უჩიძე, ახალციხე]