როგორ აღნიშნეს ახალციხეში ოჯახის სიმტკიცის დღე

დღეს, 12:00 საათზე მართლმადიდებელი მრევლი ახალციხეში, ამაღლების ეკლესიაში შეიკრიბა. მას შემდეგ, რაც ეკლესიის წინამძღვარმა სავედრებელი პარაკლისი გადაიხადა, მრევლმა ახალციხის ქუჩებში მსვლელობა მოაწყო.

მსვლელობის მონაწილეებმა ხატებითა და ჯვრებით ამაღლების ეკლესიიდან ახალციხის ცენტრალური ქუჩა მოაიარეს. მამაოებმა ქალაქი აკურთხეს. მსვლელობის მონაწილეები ისევ ამაღლების ეკლესიაში დაბრუნდნენ.

შეგახსენებთ, 17 მაისი, რა დროსაც მსოფლიოში ჰომოფობიისა და ტრანსფობიის წინააღმდეგ ბრძოლის საერთაშორისო დღე აღინიშნება - საქართველოში "ოჯახის სიმტიკიცის, მშობლების პატივისცემისა და მოხსენიების დღედ", საქართველოს პატრიარქმა, უწმინდესმა და უნტარესმა ილია მეორემ დააწესა.

"ჩვენ მივიღეთ ასეთი გადაწყვეტილება და განჩინება, რომ ყოველი წლის 17 მაისი იყოს ოჯახის სიმტიკიცის, მშობლების პატივისცემის და მოხსენების დღე. ამ დღეს მთელი ერი უნდა გამთლიანდეს: მშობლები და შვილები. ამ დღეს უნდა აღვავლინოთ ლოცვები ერთითა პირითა, გულითა და გონებითა. სამღვდელოებას ეძლევა ლოცვა–კურთხევა, რომ 17 მაისის დღის 12 საათზე ჩაატარონ პარაკლისები ტაძრებში და ნაკურთხი წყალი ასხურუონ თავის სახლებს, ოჯახებს ქუჩებს და ტაძრებს“, – განაცხადა ილია მეორემ გასულ კვირას, 11 მაისს, საკვირაო ქადაგებაზე.

სავედრებელი პარაკლისი დღეს საქართველოს ყველა მოქმედ ტაძარში გადაიხადეს.

[sknews.ge]