17 მაისს მსოფლიო ჰომოფობიის წინაღმდეგ ბრძოლის დღეს აღნიშნავს

1990 წლის 17 მაისს გაეროს ჯანდაცვის მსოფლიო ორგანიზაციამ ჰომოსექსუალობა დაავადებათა ნუსხიდან ამოიღო. 2004 წლიდან კი დაიწყო ამ დღის, როგორც ჰომოფობიისა და ტრანსფობიის წინააღმდეგ ბრძოლის დღის აღნიშვნა.

2014 წელს 17 მაისი მსოფლიოს 130 ქვეყანაში აღინიშნა. მათ შორის იყო ის 37 ქვეყანა, სადაც ჰომოსექსუალობა ლეგალიზებული არაა. ამ დღეს გაიმართა 1600 ღონისძიება, რომელშიც 1280 ორგანიზაცია იყო ჩართული.

საქართველოში ამ დღის აღნიშვნა პირველად 2013 წელს დაიგეგმა, თუმცა, მსვლელობას სასულიერო პირებისა და მოქალაქეების ნაწილმა ხელი შეუშალა.

2014 წლის 2 მაისს, საქართველომ მიიღო ანტიდისკრიმინაციული კანონი. თუმცა, ეს დღე მაინც ვერ აღინიშნა. 2014 წლის 11მაისს, საქართველოს კათალიკოს პატრიარქმა ილია მეორემ საკვირაო ქადაგებაზე გამოაცხადა, რომ რომ 17 მაისი წესდება "ოჯახის სიმტიკიცის, მშობლების პატივისცემისა და მოხსენიების დღედ". 2014 წლის 17 მაისს, თბილისში მოეწყო მსვლელობა ოჯახის სიმტკიცის დღესთან დაკავშირებით.

2015 წლის 17 მაისთან დაკავშირებით განცხადებები გაავრცელეს საქართველოს სახალხო დამცველმა და არასამთავრობო ორგანიზაციებმა. 12 არასამთავრობო ორგანიზაციაა ერთობლივ განცხადებაში აღნიშნავდა, რომ აპირებდნენ სოლიდარობა გამოეხატად ლგბტ თემის მიმართ.

წელს, 2016 წლის 17 მაისი საქართველოში გვიან ღამით 10 აქტივისტის დაკავებით დაიწყო.

„აქტივისტები დააკავეს ქუჩაში სტენსილების გაკეტების გამო და განყოფილებაში ჰყავთ გადაყვანილი. როგორც შემატყობინეს პოლიცია იქცეოდა და იქცევა ძალადობრივად: ქუჩაში ძირს ახოხიალეს აქტივისტები, ფიზიკურად შეეხნენ და იყვნენ ძალიან აგრესიულები”, – ეს ინფორმაცია ფეისბუკის საშუალებით გაავრცელა “ლგბტ საქართველოს” აღმასრულებელმა დირექტორმა ლევან ბერიანიძემ.

საქართველოში ლგბტ–ი უფლებების დამცველმა ორგანიზაციებმა განაცხადეს, რომ ჰომოფობიის დღის აღნიშვნას ვერ ახერხებენ, რადგან პოლიციამ უსაფრთხოების გარანტიები არ მისცა.

ამ დღესთან დაკავშირებით დღეს განცხადება გაავრცელა საქართველოს სახალხო დამცველმა უჩა ნანუაშვილმა. ომბუდსმენმა საქართველოს სახელმწიფო ორგანოებს მოუწოდა, რომ მაქსიმალურად შეეწყოს ხელი სიძულვილით განპირობებული ძალადობრივი ქმედებების პრევენციასა და ჰომოფობიური გამოვლინებების აღკვეთას, ასევე ლგბტ ადამიანების კონსტიტუციით გარანტირებული უფლებების და თავისუფლებების უპირობო განხორციელების ხელშეწყობას.

[ვარლამ წიკლაური, ახალციხე]