17 მაისი ჰომოფობიისა და ტრანსფობიის წინააღმდეგ ბრძოლის საერთაშორისო დღეა

1990 წლის 17 მაისს გაეროს ჯანდაცვის მსოფლიო ორგანიზაციამ ჰომოსექსუალობა დაავადებათა ნუსხიდან ამოიღო. 2004 წლიდან კი დაიწყო ამ დღის, როგორც ჰომოფობიისა და ტრანსფობიის წინაააღმდეგ ბრძოლის დღის აღნიშვნა.

2014 წელს 17 მაისი მსოფლიოს 130 ქვეყანაში აღინიშნა, მათ შორის იყო ის 37 ქვეყანა, სადაც ჰომოსექსუალურობა ლეგალიზებული არაა. ამ დღეს გაიმართა 1600 ღონისძიება, რომელშიც 1280 ორგანიზაცია იყო ჩართული.

საქართველოში ამ დღის აღნიშვნა პირველად 2012 წელს დაიგეგმა, თუმცა, მსვლელობას სასულიერო პირებისა და მოქალაქეების ნაწილმა ხელი შეუშალა. 17 მაისი საქართველოში ვერც მომდევნო, 2013 წელს აღნიშნეს.

2014 წლის 2 მაისს, საქართველომ მიიღო ანტიდისკრიმინაციული კანონი. თუმცა, ეს დღე ვერც გასულ წელს აღინიშნა. 2014 წლის 11მაისს, საქართველოს კათალიკოს პატრიარქმა ილია მეორემ საკვირაო ქადაგებაზე გამოაცხადა, რომ რომ 17 მაისი წესდება "ოჯახის სიმტიკიცის, მშობლების პატივისცემისა და მოხსენიების დღედ"

„ამ დღეს მთელი ერი უნდა გამთლიანდეს: მშობლები და შვილები. ამ დღეს უნდა აღვავლინოთ ლოცვები ერთითა პირითა, გულითა და გონებითა. სამღვდელოებას ეძლევა ლოცვა–კურთხევა, რომ 17 მაისის დღის 12 საათზე ჩაატარონ პარაკლისები ტაძრებში და ნაკურთხი წყალი ასხურუონ თავის სახლებს, ოჯახებს ქუჩებს და ტაძრებს“, – განაცხადა ილია მეორემ 2014 წლის 11 მაისს, საკვირაო ქადაგებაზე.

2014 წლის 17 მაისს, თბილისში მოეწყო მსვლელობა ოჯახის სიმტკიცის დღესთან დაკავშირებით. წელს, 2015 წლის 17 მაისს,საქართველოს საპატრიარქომ გააუქმა ოჯახის სიმტკიცის დღესთან დაკავშირებული ღონისძიებები. საქართველოს ეკლესიამ ჩათვალა, რომ ვინაიდან, აწყურის ყოვლადწმიდა ღვთისმშობლის ხატის დედაქალაქში პირველად შემობრძანება აღინიშნება, ეს დღეები ლოცვითი მსვლელობებითა და მსახურებებით უნდა აღინიშნოს.

2015 წლის 17 მაისთან დაკავშირებით, განცხადებები გაავრცელეს საქართველოს სახალხო დამცველმა და არასამთავრობო ორგანიზაციებმა. საქართველოს სახალხო დამცველმა მოუწოდა ხელისუფლებასა და საზოგადოებას მაქსიმალურად შეეწყოს ხელი ჰომოფობიური გამოვლინებების აღკვეთას. 12–მა არსამთავრობო ორგანიზაციამ კი ერთობლივ განცხადებაში აღნიშნა, რომ აპირებენ სოლიდარობა გამოხატონ ლგბტ თემის მიმართ.

[ნინო ნარიმანიშვილი, ახალციხე]