აწყურის ღვთისმშობლის ხატით საზეიმო მსვლელობა გაიმართება

საზეიმო მსვლელობის შესახებ ინფორმაციას საქართველოს საპატრიარქო აქვეყნებს.

10 მაისი – ოფადან შემოსვლა ბათუმში.
10 მაისი (საღამო) – 11 მაისი – ბათუმი.
11 მაისი (საღამო) – 12 მაისი – ხულო.
12 მაისი (საღამო) – 13 მაისი – აწყური.
13 მაისი (საღამო) – 14 მაისი – ბორჯომი.
14 მაისი (საღამო) – 15 მაისი – ხაშური.
15 მაისი (საღამო) – 16 მაისი – გორი.
16 მაისი (საღამო) – 17 მაისი – სვეტიცხოველი.

17 მაისს ხატს გადმოაბრძანებენ თბილისში და 12:00-ზე მსვლელობა დაიწყება ვარდების მოედნიდან სამების საკათედრო ტაძრამდე, სადაც კათოლიკოს-პატრიარქი პარაკლისს გადაიხდის და ხალხს დალოცავს.

აწყურის ღვთისმშობლის სახელით ცნობილი ხატი ამჟამად ხელოვნების სახელმწიფო მუზეუმშია დაცული.

შეგახსენებთ, რომ აწყურის ღვთისმშობლის ხელთუქმნელი ხატის ასლით საზეიმო მსვლელობა პირველად 2015 წლის, 10-17 მაისს, ტრაპზონიდან თბილისამდე გაიმართა. ხატი ახალციხეში 12 მაისს, ამაღლების სახელობის ტაძარში ჩამოაბრძანეს, სადაც მთელი ღამის განმავლობაში ლოცვა მიმდინარეობდა.

მეორე დღეს, კი 13 მაისს აწყურში ღვთისმშობლის სახელობის ტაძარში ჩააბრძანეს, სადაც, საქართველოს პატრიარქმა ილია მეორემ პარაკლისი აღავლინა.

[sknews.ge]