ახალციხეში რეგიონული განვითარების სამინისტროს წარმომადგენლებს ელოდებიან

შეხვედრა ახალციხის მუნიციპალიტეტის ადმინისტრაციულ შენობაში 17:00 საათზეა დაგეგმილი. რეგიონული განვითარებისა და ინფრასტრუქტურის სამინისტროს წარმომადგენლები ახალციხის მუნიციპალიტეტის გამგებელის მოვალეობის შემსრულებელს, მის მოადგილეებსა და ტერიტორიული ორგანოს რწმუნებულებს შეხვდებიან.

ახალციხის მუნიციპალიტეტის გამგეობაში განმარტავენ, რომ შეხვედრის მთავარი თემა „სოფლის მხარდაჭერის პროგრამა“ იქნება.

ვისაუბრებთ როგორ უნდა შეირჩეს პრიორიტეტები ამ პროგრამის ფარგლებში. სოფლის რწმუნებულები გაივლიან კონსულტაციებს, რა მიმართულებით უნდა იმუშაონ“, - ამბობს ახალციხის მუნიციპალიტეტის გამგებლის მოვალეობის შემსრულებელი ბესიკ ბლიაძე.

მისივე თქმით, აღნიშნული პროგრამის ფარგლებში მიმდინარე წლის 26 თებერვლიდან 10 მარტის ჩათვლით სოფლის კრებები ჩატარდება, სადაც მოსახლეობა პრიორიტეტებს დაასახელებს.

[თამარ თოთაძე, ახალციხე]