ინფრასტრუქტურის სამინისტრო 'სოფლის მხარდაჭერის პროგრამის' მიმდინარეობას ეცნობა

შერჩევითი პრინციპით სამინისტროს წარმომადგენლებმა უკვე მოინახულეს ადიგენის მუნიციპალიტეტის რამდენიმე სოფელში მიმდინარე სამუშაოები, ამ დროისთვის კი ახალციხის მუნიციპალიტეტის სოფლებში: წყრუთში, საძელსა და ღრელში მიმდინარე სამუშაოებს ეცნობიან. დღესვეა დაგეგმილი ბორჯომის მუნიციპალიტეტში მიმდინარე სამუშაოების დათვალიერებაც.

„ადიგენში ძირითადად გზის პროექტებია,რაც ჩვენ ვნახეთ, იმ თანხის ფარგლებში რაც კეთდება, ნორმალური იყო. ახალციხეში კი სამ სოფელში უნდა მივიდეთ და ვნახავთ როგორ მიმდინარეობს სამუშაოები“,-ამბობს რეგიონული განვითარებისა და ინფრასტრუქტურის სამინისტროს სამცხე-ჯავახეთის რეგიონის კოორდინატორი სერგო გვეხიძე.

სამინისტროს წარმომადგენლები ამბობენ, რომ გასული წლისგან განსხვავებით, წელს მონიტორინგის ინტენსივობა გაიზარდა:
“ჩვენს ფუნქცია-მოვალეობებში შედის მიმდინარე სამუშაოების დაკვირვება. დასავლეთ საქართველო უკვე მოვიარეთ, ამჟამად აღმოსავლეთ საქართველოში ვართ. გარკვეული პერიოდის შემდეგ კი მონიტორინგის მეორე ეტაპს დავიწყებთ“, - ამბობს სერგო გვეხიძე.

[sknews.ge]