სოფლის რწმუნებულებს 'ნაგავსაყრელების' მოწესრიგება დაევალათ

ბესიკ ბლიაძემ რწმუნებულებს დაავალა, თითოეულ სოფელში ნარჩენების შეგროვებასა და გატანას ყურადღება მიაქციონ.

„გაზაფხულია, ტურისტები დაიწყებენ შემოსვლას და ყურადღება მიაქციეთ ნაგავი აქეთ-იქით არ იყოს მიმოფანტული. გამონახეთ ერთი კონკრეტული ადგილი, სადაც მოსახლეობა ნაგავს დაყრის, შემდეგ ამ ნარჩენებს ან ქალაქის ნაგავსაყრელზე გავიტანთ, ან ადგილზევე მოვახდენთ მის ლოკალიზებას“, - უთხრა ბესიკ ბლიაძემ სოფლის რწმუნებულებს.

მისი თქმით, საყოფაცხოვრებო ნარჩენების შეგროვება სოფლებში მოუგვარებელი პრობლემაა.

„ჯერ მხოლოდ ინფორმაცია მიიღეს რწმუნებულებმა, შემდეგ ვისაუბრებთ იმაზე, რომელ სოფელში როგორ უნდა ვიმუშაოთ“, - ამბობს გამგებლის მოვალეობის შემსრულებელი.

გარდა ამისა, ახალციხის მუნიციპალიტეტის გამგებლის მოვალეობის შემსრულებელი საგაზაფხულო ბარათების დარიგების პროცესითაც დაინტერესდა. სოფლის რწმუნებულების თქმით, ბარათების უმეტესი ნაწილი უკვე დარიგებულია. მხოლოდ ის ადამიანები დარჩნენ ვისაც სახნავ-სათესი ფართობი სოფელში აქვს, თუმცა ამ ეტაპზე ქალაქში ცხოვრობს.

[თამარ თოთაძე, ახალციხე]