რა განთავსდება ყოფილი ინფექციური განყოფილების შენობაში

ობიექტზე დასაქმებული მუშების ვარაუდით აღნიშნულ შენობაში სექტემბრიდან ახალციხის მეშვიდე საჯარო სკოლა უნდა განთავსდეს, ამიტომ შენობის რეკონსტრუქცია დაჩქარებულ რეჟიმში მიმდინარეობს.

- ”როგორც გვითხრეს სამუშაოები ორ თვეში უნდა დავასრულოთ, ამიტომ შენობის ნაწილის ნგრევა, ნარჩენების გატანა და გარემონტება პარალელურად მიმდინარეობს ”, - ამბობს ალიკა აკოფიანი.

როგორც ”სამხრეთის კარიბჭეს” ახალციხის მეშვიდე საჯარო სკოლის დირექტორმა ლალი კარკაძემ მიმდინარე წლის 22 თებერვალს გამოქვეყნებულ სტატიაში განუმარტა, ინფექციური განყოფილება სკოლისთვის გამოათავისუფლეს: ”გადმოცემული ფართი საავადმყოფოსთან 6, 828 კვადრატული მეტრი, უზურფუქტის უფლებით გადმოგვეცა. საჯარო რეესტრში ამონაწერი უკვე გავაკეთებინე”.

ახალციხის რაიონული საავადმყოფოს ინფექციური განყოფილება, მესამე თვეა რაც ახალციხის რაიონული საავადმყოფოს შენობაში განთავსდა. მანამდე ინფექციური განყოფილება საავადმყოფოს ძირითადი კორპუსიდან დაახლოებით 80 მეტრის მოშორებით ფუნქციონირებდა.

ამასთან დაკავშირებით ”სამხრეთის კარიბჭე” დეტალურ ინფორმაციას მოგვიანებით მოგაწვდით

[მანანა სარაშვილი, ახალციხე]