‘მოვითხოვთ დაუყოვნებლივ დაატოვებინონ საკარანტინო სივრცე ენმ–ს წევრებს’ – ზაალ უდუმაშვილი

„ხელისუფლება გადავიდა პოლიტიკური ოპონენტების პირდაპირ იზოლაციაზე, რასაც ადასტურებს ახალციხეში მომხდარი ფაქტი. გუშინ ჩატარდა PCR ტესტები და გუშინვე მივიღეთ პასუხები, რომელიც ადასტურებს, რომ არცერთ ჩვენ თანამებრძოლს ვირუსი არ დაუდასტურდა. მიუხედავად ამისა ისინი რჩებიან კარანტინში, მკაცრი ზომები მხოლოდ ნაციონალური მოძრაობის წვერებს შეეხოთ, - თქვა ზაალ უდუმაშვილმა.

წინასაარჩევო ხელისშეშლაზე საუბრობს გელა დემეტრაძეც, მისი თქმით კითხვებს ისიც აჩენს, რომ „ქართული ოცნების“ წარმომადგენლები თვითიზოლაციაში დატოვეს, ისინი კი კარანტინში გადაიყვანეს.

„თავიდან გვეგონა ყველა გადაყავდათ, მაშინ დავეჭვდით, როცა ავტობუსში ავედით. ვიცოდით ინფიცირებულს სხვებთანაც ჰქონდა კონტაქტი, მაგრამ ისინი არ წამოიყვანეს. თვითიზოლაციაში რომ ვყოფილიყავი უფრო შევძლებდი საარჩევნო პროცესში ჩართვას. ბაუკრიანიდან ამას ვერ ვახერხებ“, – ამბობს გელა დემეტრაძე.

დემეტრაძის თქმით, მას ყველა პირობა ჰქონდა იმისთვის, რომ „ოცნების“ დეპუტატის მსგავსად, ისიც თვითიზოლაციაში ყოფილიყო.

„კერძო სახლი მაქვს. ისე მოვაწყვე ოთახი, რომ შემეძლო ოჯახის წევრებისგან იზოლირებულად ვყოფილიყავი, მაგრამ მაინც გადმომიყვანეს“, – ამბობს გელა დემეტრაძე.

რატომ გახდა საჭირო მათი საკარატინო სივრცეში გადაყვანა და რატომ არ დატოვეს თვითიზოლაციაში, ამ კითხვებზე პასუხს "სამხრეთის კარიბჭე" ჯანდაცვის სამინისტროდან ელოდება.

გელა დემეტრაძე და დავით ბალიანშვილი კორონავირუსით ინფიცირებულ სომეხ ბიზნესმენთან შეხვედრის გამო, საკარანტინო სივრცეში 18 სექტემბერს გვიან ღამით გადაიყვანეს, ტესტირებამ აჩვენა, რომ მათ ინფექცია არ აქვთ. განმეორებით ანალიზის აღებას მედიკოსები 26 სექტემბერს გეგმავენ.

„გვითხრეს დილით გაგიკეთებთ ტესტირებას და 26 სექტემბერს გვიან ღამით შეგძლიათ საკარანტინო სივრცე დატოვოთო“, – ამბობს გელა დემეტრაძე.

ინფიცირებული ბიზნესმენი ახალციხეში 13 და 14 სექტემბერს იმყოფებოდა, მან დედა 13 სექტემბერს და დაკრძალა გასვენებაში ათობით ადგილობრივს შეხვდა, გარდა ამისა მოინახულა ახალციხეში მდებარე, ის ობიექტები, რომლებიც მისი საკუთრებაა.

ინფიცირებულთან კოტაქტში მყოფი პირების ნაწილი ბაკურიანის და ახალციხის საკარანტინო სივრცეებში გადაანაწილეს, ნაწლს კი თვითიზოლაციაში ყოფნის რეკომენდაცია მისცეს. რამდენ პირთან ჰქონდა ონტაქტი ინფიცირებულს ჩვენთვის უცნობია, რადგან ამ საკითხზე კომენტარს დაავადებათა კონტროლოს ეროვნულ ცენტრსა და ახალციხის საზოგადოებრივი ჯანდაცვის ცენტრში არ აკეთებენ.

ცნობილია ის, რომ აქამდე გატესტილი პირებიდან კორონავირუსი არცერთ მათგანს დაუდასტურდა.

წინასაარჩევნო ხელის შეშლაზე განცხადება გააკეთა ვანო მერაბიშვილმაც.

[sknews.ge]