COVID 19–ით ინფიცირებულს ბორჯომში 13 ადამიანთან ჰქონდა კონტაქტი

დავით ზაალიშვილის თქმით, ინფიცირებულ პირთან კონტაქში მყოფი პირები იდენტიციფირებულები არიან და ისინი საკარანტინო ზონებში გადაიყვანეს, ოჯახის წევრები კი თვითიზოლაციაში რჩებიან.

ოჯახში რვა წევრია, აქედან ერთს, ინიფიცრებულის დას უკვე გაუკეთდა ანალიზი და მას კორონავირუსი არ აღმოაჩნდა.

„ინფიცირებულის ბიძაშვილს 12 აპრილს დაუდგინდა კორონავირუსი. მას შემდეგ რაც ეს ამბავი გაიგეს ოჯახის წევრები თვითიზოლაციაში გადავიდნენ. თავად ინფიცირებული თავს კარგად გრძნობს, ოჯახის წევრებს თერმოსკრინინგი უტარდებათ “, – ამბობს „სამხრეთის კარიბჭეთან“ ზაალიშვილი.

მისივე თქმით, გარდა ოჯახის წევრებისა, 30 წლამდე ინფიცირებულს, კონტაქტი ჰქონდა ყვიბისში მცხოვრებ ექვს პირთან.

„10 წუთიანი შეხვედრა ქონდა მათთან, ყველა მათგანი იდენტიფიცირებულია და გადაყვანილია საკარანტინო ზონაში“.

ბორჯომის ჯანდაცვის ცენტრში აცხადებენ, რომ ახალდაბელი ახალგაზრდა საკარანტინო ზონაში 14 აპრილს გადაიყვანეს, დღეს კი კორონავირუსი დაუდასტურდა.

[თინათინ ზაზაძე, ბორჯომი]