COVID-19-ით ინფიცირებული 187 ახალი შემთხვევიდან ერთი სამცხე–ჯავახეთშია – ეზუგბაია

„დაგვემატა 187 ახალი შემთხვევა, ჯამში 3 306 დადასტურებული შემთხვევა გვაქვს. 187 ახალი შემთხვევა ასე ნაწილდება: აჭარა-116, გურია-4, თბილისი-30, იმერეთი-15, კახეთი-3, მცხეთა-2, სამეგრელო -11, სამცხე-ჯავახეთი– 1, ქვემო ქართლი- 2, შიდა ქართლი -3. გამოჯანმრთლებულების რიცხვი 46-ით გაიზარდა და 1481 გახდა“–განაცხადა მარინა ეზუგბაიამ.

მისივე თქმით, ამ ეტაპზე კოვიდცენტრებში და სასტუმრო ჰოსპიტლებში 1 798 პაციენტი მკურნალობს.

„1798 პაციენტიდან, კრიტიკული 14 პაციენტია, მძიმე კი 70-ზე მეტი. დანარჩენის ჯანმრთელობის მდგომარეობა საშუალო და მსუბუქია“,- თქვა ეზუგბაიამ.

რაც შეეხება სამცხე–ჯავახეთში დადასტურებულ ერთ შემთხვევას, სავარუდოდ ეს ის პირია, რომელიც გასულ კვირას სომხეთიდან დედის გასვენებაში ჩამოვიდა.

ინფიცირებულმა ქელეხი ახალციხის ერთ–ერთ რესტორანში გადაიხადა, რომელიც ამ დროისთვის დახურულია, ასევე დაიკეტა სილამაზის სალონი, სადაც ინფიცირებული იმყოფებოდა.

ინფიცირებულთან კონტაქტში მყოფი პირები ბაკურიანის საკარანტინო ზონაში გადაიყვანეს.

საქართველოში 3 306 ინფიცირებულიდან გამოჯანმრთელდა 1481, კლინიკებში მკურნალობს 1 485 პაციენტი, 19 კი გარდაცვალა.

[ნუკა სტეფნაძე]