საქართველოში COVID-19-ით ინფიცირებული 9 პაციენტის მდგომარეობა კრიტიკულად მძიმეა

„მკურნალობს 1 488 პაციენტი, გუშინ რამდენადაც მოხერხდა შეფასდა და შეჯერდა მათი მდგომარეობა, შეჯერების შედეგად ცხრა კრიტიკულად მძიმე პაციენტია, ხოლო 60–დან 70 შორის მერყეობს მძიმე პაციენტების სია, დანარჩენი მათგანის მდგომარეობა საშუალო და მსუბუქი სიმძიმისაა“, – განაცხადა მარინა ეზუგბაიამ.

მისივე თქმით, ინფიცირებულების ყველაზე მაღალი შემთხვევა კვლავ აჭარაში ფიქსირდება: „დღეს დადასტურებული 179 შემთხვევა ასე ნაწილდება: აჭარა არის 126, იმერეთი - 16, თბილისი - 15, სამეგრელო - ზემო სვანეთი 7, მცხეთა - მთიანეთი - 7, გურია - 4, კახეთი - 4“.

დღევანდელი მონაცემებით, ქვეყანაში კორონავირუსით 2 937 ადამიანია ინფიცირებული, მათ შორის გამოჯანმრთელდა 1 422 პაციენტი. კარანტინის რეჟიმში 6 633 პირი იმყოფება, სტაციონარში მეთვალყურეობის ქვეშ - 836. უცხოეთიდან სამკურნალოდ გადმოყვანილი საქართველოს მოქალაქეების რაოდენობა 41–ია.

[ნუკა სტეფნაძე]