კორონავირუსით ინფიცირებული პაციენტებიდან 16–ის მდგომარეობა კრიტიკულია

ეზუგბაიას თქმით, 2 133 პაციენტიდან 50 პროცენტი „კოვიდ ცენტრებში“ მკურნალობს, ნაწილი კი, „კოვიდ სასტუმროებში“.

„სულ 2 133 კოვიდდადასტურებული პაციენტია ქვეყანაში, აქედან დაახლეობით 50%–ზე ნაკლები კოვიდ სტაციონარში, უშუალოდ მკურნალობაზე მყოფი პაციენტია, ხოლო დანარჩენი გახლავთ სასტუმრო ჰოსპიტალებში. „კოვიდ ცენტრებში“ მყოფი პაციენტებიდან 16 გვყავს კრიტიკული პაცინტი, რაც 3 695 პაცენტში არის 0,4 %, და მძიმე პაციენტბის რაოდენობა 80–ზე მეტია, ეს დაახლოებით 0,2% დანარჩენების მდგომარეობა საშუალო და მსუბუქი სიმძიმისაა“, – განაცხადა მარინა ეზუგბაიამ.

მისივე განმარტებით, 193 ახალი დადასტურებული პაციენტების რაოდენობიდან უმეტესობა აჭარაშია.

193 ახალი დადასტურებული შემთხვევა ასე ნაწილდება: აჭარა-92, იმერეთი-53, თბილისი-31, სამეგრელო-ზემო სვანეთი - 8, გურია - 7, რაჭა-ლეჩხუმი - 1, მცხეთა მთიანეთი -1.

21 სექტემბერის მონაცემებით, საქართველოში კორონავირუსის 3 695 დადასტურებული შემთხვევაა, მათ შორის 1 534 გამოჯანმრთელდა, კარანტინის რეჟიმში კი 4 988 პირი იმყოფება, ხოლო სატაციონალური მეთვალყურეობის ქვეშ 836 პაციენტი რჩება. უცხოეთიდან გადმოყვანილია საქართველოში 41 პაციენტი, ხოლო დღეს ქვეყანაში მე–20 პაციენტი გარდაიცვალა.

[ნუკა სტეფნაძე]