კორონავირუსით ინფიცირებული მძიმე პაციენტების რაოდენობა გაიზარდა

„ამ დროის მონაცემებით ქვეყანაში ფიქსირდება 7 093 შემთხვევა, მათ შორის გამოჯანმრთელებულების რაოდენობა 52 %–ია, რაც შეესაბამება, 3 714 შეთხვევას. აქტიური შემთხვევა გახლავთ 3 379, აქედან 38 არის კრიტიკულად მძიმე პაციენტი და 36 მართვით სუნთქვაზე იმყოფება. მართვით სუნთქვაზე მყოფი პაციენტებიდან 9 არის აფხაზეთის ოკუპირებული ტერიტორიიდან გადმოყვანილი“, – ამბობს მარინა ენდელაძე.

ახალი შემთხვევების განაწილება რეგიონების მიხედვით ასეთია:

„აჭარაში 297 ახალი შემთხვევა, თბილისში - 78, იმერეთში - 52, სამეგრელო ზემო-სვანეთში, გურიასა და შიდა ქართლში 6-6 პაციენტი, ქვემო ქართლში 2, კახეთში - 3, მცხეთა-მთიანეთი - 2, სამცხე-ჯავახეთი-1“, - განაცხადა ენდელაძემ.

დღევანდელი მონაცემები stopcov.ge-ზე ასე გამოიყურება:

კორონავირუსის დადასტურებული შემთხვევა – 7 093;
აქედან გამოჯანმრთელდა – 3 714;
გარდაიცვალა – 43;
კარანტინის რეჟიმში – 5 392;
სტაციონარში მეთვალყურეობის ქვეშ – 836;
კოვიდსასტუმროში მყოფი პირი – 1 100;
*უცხოეთიდან სამკურნალოდ გადმოყვანილი საქართველოს მოქალაქე – 41.
საქართველოში კორონავირუსის პირველი შემთხვევა 2020 წლის 26 თებერვალს გამოვლინდა.

[ნუკა სტფნაძე]