ქვეყანაში კოვიდინფიცირებული პაციენტებიდან 26 მართვით სუნთქვაზეა

„კლინიკებში ამჟამად მკურნალობს 3 072 პაციენტი, აქედან კრიტიკულად მძიმეა 28. მათგან 26 გახლავთ მართვით სუნთქვაზე. მძიმე პაციენტებიდან რვა გადმოყვანილია ოკუპირებული აფხაზეთიდან“, – განაცხადა მარინა ენდელაძემ.

რაც შეეხება ახალ შემთხვევებს, ენდელაძის განმარტებით, ყველაზე მაღალი მაჩვენებელი კვლავ აჭარაში ფიქსირდება.

„ახალი გამოვლენილი შემთხვევებიდან, აჭარაში ისევ მაღალია ინფიცირებულთა რაოდენობა - 235 პაციენტი. შემდეგ მოდის იმერეთი - 38 პაციენტი, შემდეგ თბილისი - 30 პაციენტი. სამეგრელო-ზემო–სვანეთში 14 ახალი შემთხვევაა, გურიაში - 6, კახეთში, მცხეთა-მთიანეთსა და სამცხე-ჯავახეთში არის თითო-თითო ახალი შემთხვევა“, - განაცხადა ენდელაძემ.

დღევანდელი მონაცემები stopcov.ge-ზე ასე გამოიყურება:

კორონავირუსის დადასტურებული შემთხვევა – 6 192;
აქედან გამოჯანმრთელდა – 2 120;
გარდაიცვალა – 37;
კარანტინის რეჟიმში – 5 445;
სტაციონარში მეთვალყურეობის ქვეშ – 836;
კოვიდსასტუმროში მყოფი პირი – 1 000;
*უცხოეთიდან სამკურნალოდ გადმოყვანილი საქართველოს მოქალაქე – 41.
საქართველოში კორონავირუსის პირველი შემთხვევა 2020 წლის 26 თებერვალს გამოვლინდა.



[ნუკა სტეფნაძე]