კორონავირუსის 15 ახალი შემთხვევიდან ორის წყარო უცნობია

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ამჟამად კოვიდცენტრებში მკურნალობს 240 პაციენტი, მათგან 6-ის მდგომარეობა კრიტიკულად მძიმეა.

„დაგვემატა 15 ახალი დადასტურებული შემთხვევა და რაოდენობა 1 385-ია. გამოჯანმრთელებულების რიცხვი 20-ით გაიზარდა და გახდა 1 128. გამოჯანმრთელებულების პროცენტული მაჩვენებელი ჯერჯერობით კვლავ 81%-ია. კოვიდ ცენტრებში დღევანდელი მონაცემებით 240 პაციენტი მკურნალობს. აქედან 6 კრიტიკულად მძიმე პაციენტია, რომლებიც კოვიდცენტრების რეანიმაციულ განყოფილებაში განაგრძობენ მკურნალობას. 23 მძიმე პაციენტია, დანარჩენი პაციენტების მდგომარეობა საშუალო სიმძიმისა და საშუალოზე მსუბუქია“, – განაცხადა მარინა ეზუგბაიამ.

თბილისის ინფექციური საავადმყოფოს სამედიცინო დირექტორის, განმარტებით, მათ კლინიკაში ამ დროისთვის 32 დადასტურებული შემთხვევაა, ამ პაციენტებიდან ერთის მდგომარეობა კრიტიკულად მძიმეა, ორის კი მძიმე.

ამ დროის მონაცემებით საქართველოში კორონავირუსის დადასტურებული შემთხვევა - 1 385 –ია, მათ შორის გამოჯანმრთელებულია - 1 128, გარდაცვლილია - 17 ადამიანი.

კარანტინის რეჟიმში იმყოფება - 6 903 მოქალაქე, სტაციონარში მეთვალყურეობის ქვეშ კი - 278, რაც შეეხება უცხოეთიდან სამკურნალოდ გადმოყვანილ საქართველოს მოქალაქეების რაოდენობა ამ ეტაპზე - 41–ია.


[sknews.ge]