თბილისის ინფექციურ საავადმყოფოში ერთი მოზარდი გამოჯანმრთელდა

როგორც, ეზუგბაია ამბობს კლინიკაში კორონავირუსზე 11 მოზარდი მკურნალობდა, ერთმა კლინიკა უკვე დატოვა.

„ჩვენ გვყავდა 43 პაციენტი, აქედან ორი გამოჯანმრთელდა, ახლა დაგვრჩა 41 კოვიდინფიცირებული პაციენტი. რაც შეეხება გამოჯანმრთელებულებს, ერთი არის მოზარდი“, – განაცხადა მარინა ეზუგაბაიამ.

ეზუგბაიამ ასევე აღნიშნა, რომ კვლავ გრძელდება მონიტორინგი და ელოდებიან კიდევ რამდენიმე პაციენტის გაჯანმრთელებას. მისივე განმარტებით კლინიკში ამ ეტაპზე სამი მძიმე (პნევმონიით) პაციენტი რჩება.

თბილისის ინფექციურ საავადმყოფოში სულ 67 პაციენტი გამოჯანმრთელდა.

საქართველოში კორონავირუსით ინფიცირების 566 დადასტურებული შემთხვევაა, აქედან 184 გამოჯანმრთელდა, ექვსი კი გარდაიცვალა. ქვეყნის მასშტაბით კარანტინში 5 320 პირი რჩება, სტაციონალური მეთვალყურეობის ქვეშ კი, 548.

[ნუკა სტეფნაძე]