დღეს ადიგენის ყოფილი გამგებლის სასამართლო პროცესი გაიმართება

სიმონ პარუნაშვილისა და მასთან ერთად ბრალდებულების დღევანდელ სასამართლო პროცესზე ბრალდების მხარის მტკიცებულებების გამოკვლევა გაგრძელდება. წინა სასამართლო პროცესი ახალციხის რაიონულ სასამართლოში 22 ოქტომბერს გაიმართა.

შეგახსენებთ, რომ ადიგენის მუნიციპალიტეტის ყოფილი გამგებელი სიმონ პარუნაშვილი მიმდინარე წლის 27 აგვისტოს, ფინანსთა სამინისტროს საგამოძიებო სამსახურის საგამოძიებო დეპარტამენტის სამცხე-ჯავახეთის სამმართველომ დააკავა. 29 აგვისტოს კი გირაოს, 3000 ლარის სანაცვლოდ გაათავისუფლეს.

მასთან ერთად სისხლის სამართლის კოდექსის 332-ე მუხლის სხვადასხვა ეპიზოდში ბრალი ედებათ ადიგენის მუნიციპალიტეტის გამგეობის საფინანსო სამსახურის ყოფილ უფროსს ჯემალ იაკობაძეს, ადიგენის მუნიციპალიტეტის გამგეობის ეკონომიკისა და ინფრასტრუქტურის სამსახურის ყოფილ მთავარ სპეციალისტს გელა აღლემაშვილსა და ადიგენის მუნიციპალიტეტის გამგებლის ყოფილ მოადგილეს რატი ტატალაშვილს. სიმონ პარუნაშვილის გარდა დანაშაულს ყველა ბრალდებული აღიარებს.

[sknews.ge]