ადიგენის გამგებლის სასამართლო დღეს 10 წუთში დასრულდა

სასამართლო პროცესზე ბრალდების მხარემ 6 თვის განმავლობაში მოძიებული მტკიცებულებების ნუსხა წაიკითხა.

როგორც სიმონ პარუნაშვილი ამბობს, დღევანდელ სასამართლო პროცესზე პროკურორს ბრალდებულებთან კითხვები აღარ ჰქონდა.

„პროკურორმა 5 წუთში წაიკითხა მტკიცებულებების ნუსხა და ამით დაამთავრა დღევანდელი პროცესი. როგორც ჩანს, პროკურორს კითხვები აღარ აქვს“,- ამბობს იგი.

მორიგი სასამართლო პროცესი 20 მარტს, 13:00 საათზე გაიმართება.

შეგახსენებთ, რომ ადიგენის მუნიციპალიტეტის ყოფილი გამგებელი სიმონ პარუნაშვილი მიმდინარე წლის 27 აგვისტოს, ფინანსთა სამინისტროს საგამოძიებო სამსახურის საგამოძიებო დეპარტამენტის სამცხე-ჯავახეთის სამმართველომ დააკავა. 29 აგვისტოს კი გირაოს, 3000 ლარის სანაცვლოდ გაათავისუფლეს. ადიგენის გამგებელს სამსახურეობრივი უფლებამოსილების ბოროტად გამოყენებას ედავებიან.

[მანანა სარაშვილი, ახალციხე]