დღეს ადიგენის გამგებელს განაჩენს გამოუტანენ

ახალციხის რაიონული სასამართლოს მოსამართლე გიორგი ლონდარიძე ადიგენის მუნიციპალიტეტის გამგეობის ყოფილი თანამშრომლების საქმეზე გადაწყვეტილებას დღეს, 7 მაისს გამოაცხადებს. სასამართლო პროცესი 13:00 საათზე დაიწყება.

ადიგენის მუნიციპალიტეტის ყოფილი გამგებელი სიმონ პარუნაშვილი გასული წლის 27 აგვისტოს, ფინანსთა სამინისტროს საგამოძიებო სამსახურის საგამოძიებო დეპარტამენტის სამცხე-ჯავახეთის სამმართველომ დააკავა.

მასთან ერთად სისხლის სამართლის კოდექსის 332-ე მუხლის სხვადასხვა ეპიზოდში ბრალი ედებათ ადიგენის მუნიციპალიტეტის გამგეობის საფინანსო სამსახურის ყოფილ უფროსს ჯემალ იაკობაძეს, ადიგენის მუნიციპალიტეტის გამგეობის ეკონომიკისა და ინფრასტრუქტურის სამსახურის ყოფილ მთავარ სპეციალისტს გელა აღლემაშვილს (რომელთანაც განრიდება გაფორმდა) და ადიგენის მუნიციპალიტეტის გამგებლის ყოფილ მოადგილეს რატი ტატალაშვილს.

[sknews.ge]