COVID-19: ინფექციურ საავადმყოფოში პაციენტი ორთვიანი მკურნალობის შემდეგ გამოჯანმრთელდა

„ჩვენს კლინიკაში დღემდე 130 პაციენტმა იმკურნალა, აქედან 72 გვყავს გამოჯანმრთელებული. მინდა გითხრათ ყველასთვის საინტერესო ინფორმაცია, რომელსაც მუდმივად კითულობთ, ნომერ მეხუთე პაცინტი რომელიც ჩვენთან მკურნალობდა უკვე გამოჯანმრთელდა“, – განაცხადა მარინა ეზუგბაიამ.

თბილისის ინფექციურ საავადმყოფოში ამ დროისთვის 57 პაციენტი იმყოფება, აქედან 54 კოვიდინფიცირებული, ხოლო სამი პაციენტი არის შესაძლო შემთხვევა, რომლის პასუხებიც დღეს გახდება ცნობილი.

ქვეყანაში დღეს, ხუთ მაისს, 11 ახალი შემთხვევა დაფიქსირდა, stopcov.ge-ზე განახლებული მონაცემები ასე გამოიყურება:

• კორონავირუსის დადასტურებული შემთხვევა - 604
* მათ შორის გამოჯანმრთელებული - 240
* მათ შორის გარდაცვლილი - 9
* კარანტინის რეჟიმში - 4 887
* სტაციონარში მეთვალყურეობის ქვეშ - 500
* უცხოეთიდან სამკურნალოდ გადმოყვანილი საქართველოს მოქალაქეები- 3

საქართველოში კორონავირუსის შემთხვევა პირველად 26 თებერვალს დაფიქსირდა.

[ნუკა სტეფნაძე]