სამცხე–ჯავახეთში COVID-19–ზე ტესტის პასუხს 16 პირი ელოდება

„ჩვენთან გუშინ ღამით შემოვიდა ორი მამაკაცი, ორივეს ანალიზი ჩავუტარეთ COVID-19-ზე, რომელიც ლუგარის ლაბორატორიაშია გადაგზავნილი და პასუხს ველოდებით“,– გვითხრეს ახალციხის „ცხელების ცენტრში“.

„ადიგენის ცხელების“ ცენტრში კვლავ ორი პაციენტი რჩება, ორივეს ანალიზი ლუგარის ლაბორატორიაში გუშინ გადააგზავნეს. როგორც ცენტრში განგვიმარტეს პასუხს ელოდებიან.

ერთი პაციენტია ახალქალაქში, რომელსაც პნევმონია და შაქრიანი დიაბეტი აქვს. „ცხელების ცენტრში“ აცხადებენ, რომ მისი ანალიზის ლუგარის ლაბორატორიაში გაგზავნას არ საჭიროებს.

ამ დროისთვის თავისუფალია ბორჯომის „ცხელების ცენტრი“. როგორც სამედიცინო დაწესებულებაში გვითხრეს, მათთან მყოფი გოგონა, რომელსაც კორონავირუსი არ დაუდასტურდა საკარანტინო ზონაში გადაიყვანეს.

კორონავირუსისი პირველი შემთხვევა ბორჯომში გუშინ 16 აპრილს დაფიქსირდა. მუნიციპალიტეტში ინფიცირებულთან კონტაქტში 13 პირია გამოვლენილი. აქედან ერთი ინფიცირებულის დაა, რომელსაც კორონა ვირუსი არ დაუდასტურდა, იგი ცხელების ცენტრიდან საკარანტინო ზონაში გადაიყვანეს.

ინფიცირებულთან მყოფი 12 პირის ანალიზი გუშინ ლუგარის ლაბორატორიაში გადაგზავნეს, როგორც ბორჯომის მერის მოვალეობის შემსრულებელმა, დავით ზაალიშვილმა გვითხრა, რომ პასუხები ლუგარიდან ჯერ არ მიუღიათ.

ბორჯომელი COVID-19-ით ინფცირებული ახალგაზრდა გორის ჰოსპიტალში მკურნალობს.

17 აპრილის 13:50 საათის მონამცემები stopcov.ge-ზე ასე გამოიყურება:

• კორონავირუსის დადასტურებული შემთხვევა - 370:
* მათ შორის გამოჯანმრთელებული - 79
* მათ შორის გარდაცვლილი- 3
* კარანტინის რეჟიმში - 5 035
* სტაციონარში მეთვალყურეობის ქვეშ - 540
* უცხოეთიდან სამკურნალოდ გადმოყვანილი საქართველოს მოქალაქეები- 3

საქართველოში კორონავირუსის შემთხვევა პირველად 26 თებერვალს დაფიქსირდა.

[ნუკა სტეფნაძე, ახალციხე]