ახალციხიდან ლუგარის ლაბორატორიაში ორ პაციენტზე გადაგზავნილი პასუხი ცნობილია

„მივიღეთ პასუხი ლუგარიდან არცეთ მათგანს კორონავირუსი არ დაუდასტურდა. ორივე პაციენტი ჯერჯერობით ჩვენთან რჩება“,– განაცხადეს ახალციხის "ცხელების ცენტრში".

დღეს, 14 აპრილს, დილით, ახალციხის "ცხელების ცენტრში" ორი პაციენტის პასუხს ელოდებოდნენ.

„ცხელების ცენტრები“ ახალი კორონავირუსის გავრცელების გამო, მთელი საქართველოს მასშტაბით გაიხსნა, სადაც Covid-19–ის სიმპტომიან პაციენტებს ბოქსირებულ პალატებში აკვირდებიან.

14 აპრილის 22:35 საათის მონაცემები:

– კორონავირუსის დადასტურებული შემთხვევა - 296;
– მათ შორის გამოჯანმრთელებული - 69;
– გარდაცვლილი- 3;
– კარანტინის რეჟიმში - 4 856;
– სტაციონარში მეთვალყურეობის ქვეშ - 458;
– უცხოეთიდან სამკურნალოდ გადმოყვანილი საქართველოს მოქალაქეები- 3;

ინფორმაცია – stopcov.ge

საქართველოში კორონავირუსის შემთხვევა პირველად 26 თებერვალს დაფიქსირდა.

[ნუკა სტეფნაძე, ახალაციხე]