ინფიცირებულთან კონტაქტში მყოფი 12 პირის ტესტი ბორჯომიდან ლუგარის ლაბორატორიაში გადააგზავნეს

ბორჯომის მერის მოვალეობის შემსრულებლის, დავით ზაალიშვილის განმარტებით, ლუგარის ლაბორატორიდან მიღებული პასუხის შემდეგ გადაწყდება, რა დამატებითი ღონისძიებები გატარდება მუნიციპალიტეტში.

კორონავირუსის პირველი შემთხვევა ბორჯომში დღეს, 16 აპრილს დაფიქსირდა. მუნიციპალიტეტში ინიფიცრებულთან კონტაქტში 13 პირია გამოვლენლი, აქედან ერთს, პაციენტის დას უკვე ჩაუტარდა კვლევა და ინფექცია არ დაუდასტურდა, 12 ადამიანის ტესტის პასუხი კი ხვალ იქნება ცნობილი.

12–დან ექვსი ინფიცირებულის ოჯახის წევრია, მათ შორის ორი მცირეწლოვანი.

[თინათინ ზაზაძე, ბორჯომი]