ბორჯომელი COVID 19–ით ინფიცირებული ახალგაზრდა გორის ჰოსპიტალში გადაიყვანეს

30 წლამდე პირი, რომელსაც კორონავირუსი დღეს დაუდასტურდა, თბილისიდან ახალდაბაში 10 აპრილს ჩავიდა. მოინახულა მამიდის ოჯახი და 14 აპრილამდე სახლში, ოჯახის წევრებთან ერთად იმყოფებოდა.

როგორც, ინფიცირებულის მშობლები ამბობენ, მათი შვილი კორონავირუსით სავარუდოდ მედდისგან დაიფიცირდა, იგი მათი ნათესავია და თბილისში ერთად ცხოვრობდნენ.

„ჩემი შვილი თბილისიდან 10 აპრილს ჩამოვიდა. 11–ში უკვე ჩვენმა ნათესავმა დაგვირეკა ცუდად ვარ, სიცხე მაქვს და მახველებსო. ჩაუტარდა ტესტირება და პასუხი რომ გაიგეს მაშინვე დაგვირეკეს. შემდეგ ჩემს შვილს მოაკითხეს და 14 აპრილს ბაკურიანში საკარანტინო ზონაში წაიყვანეს, კორონავირუსი რომ აღმოაჩნდა გორის ჰოსპიტალში გადაიყვანეს“,– გვითხრა ინფიცირებულის მამამ.

მისი თქმით, კორონავირუსზე მისი მეორე შვილიც შეამოწმეს, თუმცა მას არ აღმოაჩნდა: „ოჯახის წევრებსაც გაგვიკეთეს ანალიზი და პასუხს ველოდებით“.

კორონავირუსით დაინფიცირებული ახალგაზრდის მშობლები ამბობენ, რომ მათ შვილს კონტაქტი ახალდაბაში არავისთან ჰქონია. ინფექციის დადასტურებამდე, მან ნათესავები ყვიბისში მოინახულა.

„ჩვენ უბანში სულ 11 სახლია, აქ ძირითადად ოთხი ოჯახი ვცხოვრობთ. მეზობლებთან არც გავდივართ და არც კონტაქტი არ ჰქონია ჩემს შვილს. მარტო მამიდასთან იყო ყვიბისში, რომელიც ნახა დაბადების დღე მიულოცა და წამოვიდა, ახლა ის ოჯახიც კარანტინშია, წაიყვანეს როგორც ვიცი“,–გვითხრა მან.

ოჯახის ექვსი წევრი მათშორის ორი მცირეწლოვანი ლუგარის ლაბორატორიიდან ტესტის პასუხს ელოდება, როგორც გვითხრეს თავს კარგად გრძნობენ და საეჭვო სიმპტომები არ აღენიშნებათ.

„ჩემი გოგო, რომელსაც არ აღმოაჩნდა ვირუსი ბორჯომის კლინიკაშია, ახლა სახლში ექვსნი ვართ, ორი მცირე წლოვანია, ერთი თვეების. ანლიზი ყველას გაგვიკეთეს. თავს კარგად ვგრძნობთ სიმპტომები არ გვაქვს. ჩემს ბიჭსაც არ ქონდა არფერი განსაკუთრებული. 14–ში ჰქონდა 37 გრადუსი მხოლოდ. ახლაც როგორც ექიმები ამბობენ ის კარგად არის და ძალიან მსუბუქ ფორმებში აქვს ეს ვირუსი“,– ამბობს ინფიცირებულის დედა.

კორონავირუსის პირველი შემთხვევა ბორჯომში დღეს 16 აპრილს დაფიქსირდა. მუნიციპალიტეტში ინფიცრებულთან კონტაქტში 13 პირია გამოვლენილი. აქედან ერთი პაციენტის დაა რომელსაც კორონავირუსი არ დაუდასტურდა.

ინფიცირებულთან კონტაქტში მყოფი 12 პირის ტესტი ბორჯომიდან დღეს ლუგარის ლაბორატორიაში გადააგზავნეს.

[ნუკა სტეფნაძე, ბორჯომი]