ახალციხის ‘ცხელების ცენტრმა’ ლუგარის ლაბორატორიიდან პასუხი მიიღო

ახალციხის „ცხელების ცენტრში“ სამი პირი იმყოფება, აქედან ორი პაციენტის პასუხი COVID 19-ზე უარყოფითა, მესამე პაციენტის ტესტის შედეგი კი ხვალ, 18 აპრილს გახდება ცნობილი.

„დღეს კიდევ დაგვემატა ერთი პაციენტი, რომელსაც სამი დღის ანამნეზით ტემპერატურული რეაქცია და ხველა აქვს. მისი ანალიზებიც ლუგარის ლაბორატორიაში გადავაგზავნეთ“,– გვითხრეს „ახალციხის ცხელების“ ცენტრში.

ტესტირების პასუხს ელოდებიან ბორჯომსა და ადიგენშიც. ორივე მუნიციპალიტეტიდან ლუგარის ლაბორატორიაში 14 პირის ანალიზია გაგზავნილი.

კორონავირუსისის პირველი შემთხვევა ბორჯომში გუშინ, 16 აპრილს დაფიქსირდა. მუნიციპალიტეტში ინფიცირებულთან კონტაქტში 13 პირია გამოვლენილი. აქედან ერთი ინფიცირებული დაა, რომელსაც კორონავირუსი არ დაუდასტურდა, იგი ბაკურიანის საკარანტინო სივრცეშია გადაყვანილი.

ინფიცირებულთან მყოფი 12 პირის ანალიზი გუშინ ლუგარის ლაბორატორიაში გადააგზავნეს, როგორც ბორჯომის მერის მოადგილემ, ბუბა ბერიძემ გვითხრა, პასუხები ჯერ კიდევ არ მიუღიათ.

ბორჯომელი COVID-19-ით ინფიცირებული ახალგაზრდა გორის ჰოსპიტალში მკურნალობს.

[ნუკა სტეფნაძე, ახალციხე]