ადიგენში ორი პაციენტის ანალიზები ლუგარის ლაბორატორიაში გადააგზავნეს

„ჩვენს ბოქსირებულ პალატაში ორი ადამიანია მოთავსებული. ორივე მათგანს ტესტი ჩაუტარდა და ანალიზები ლუგარის ლაბორატორიაშია გადავაგზავნეთ. მათი ანალიზების გაგზავნა საჭიროდ ინფექციონისტმა ჩათვალა“,– განცხადეს ადიგენის "ცხელების ცენტრში".

"ცხელების ცენტრში" არ გვეუბნებიან, თუ რატომ გახდა საჭირო ლუგარში ანალიზების გაგზავნა.

სამცხე–ჯავახეთში კორონავირუსის პირველი შემთხვევა დღეს, 16 აპრილს ბორჯომში დაფიქსირდა. ინფექცია დაბა ახალდაბაში მცხოვრებ 30 წლამდე პირს აქვს.

16 აპრილის 15:40 საათის მონამცემებით stopcov.ge- ზე ასე გამოიყურება:

• კორონავირუსის დადასტურებული შემთხვევა - 336:
* მათ შორის გამოჯანმრთელებული - 74
* მათ შორის გარდაცვლილი- 3
* კარანტინის რეჟიმში - 5 000
* სტაციონარში მეთვალყურეობის ქვეშ - 494
* უცხოეთიდან სამკურნალოდ გადმოყვანილი საქართველოს მოქალაქეები- 3

საქართველოში კორონავირუსის პირველი შემთხვევა 26 თებერვალს დაფიქსირდა.

[ნუკა სტეფნაძე, ადიგენი]