ახალციხეში 2 პაციენტზე ლუგარის ლაბორატორიიდან პასუხს ელოდებიან

ფოტო: ლალი კირთაძის ფეისბუკის გვერდიდან

„ორი პაციენტი გვყავს, დაკვირვების ქვეშ არიან, ველოდებით ლუგარის ლაბორატორიაში გაგზავნილი ანალიზების პასუხს“,– გვითხრეს ახალციხის „ცხელების ცენტრში“.

ერთი პაციენტი იმყოფება ბორჯომის „ცხელების ცენტრშიც“, პაციენტს ინსულტი აქვს, თუმცა იმის გამო, რომ ტემპერატურაც აღენიშნება, მისი ანალიზებიც ლუგარის ლაბორატორიაში გაიგზავნება.

„კორონავირუსის სიმპტომები არ აღენიშნება, მაგრამ სავარაუდოდ ტესტს მაინც ჩავუტარებთ, რომ დავრწმუნდეთ და უსაფრთხოება დავიცვათ. საზოგადოებრივი ჯანდაცვა გაფრთხილებულია და ველოდებით“,– აცხადებენ ბორჯომის „ცხელები ცენტრში“.

14 აპრილის 15:35 საათის მონაცემებით საქართველოში კორონავირუსით ინფიცირების 296 შემთხვევაა გამოვლენილი, გამოჯანმრთელდა 69, გარდაიცვალა სამი პაციენტი.

კორონავირუსის პირველი შემთხვევა 26 თებერვალს დაფიქსირდა.

[ნუკა სტეფნაძე, ახალაციხე]