პირველ საუნივერიტეტო კლინიკაში კრიტიკული პაცინეტების რაოდენობა შვიდამდე გაიზრდა

პირველ საუნივერიტეტო კლინიკაში 62 პაციენტი იმყოფება, აქედან კორონავირუსი 47 აქვს.

„კრიტიკული განყოფილების დეპარტამენტში სამწუხაროდ რიცხვი გაიზრდა და გვყავს შვიდი პაციენტი, აქედან ერთის მდგომარეობა არის უკიდურესად მძიმე. პაციენტი არის 67 წლის. კლინიკურად სახეზეა კოვიდ–ინფიცირების შედეგად გამოწვეული მწვავე რესპირატორული დისტრესი, გემოდინამიკის რღვევით,“–აღნიშნა რატიანმა.

მისი თქმით, კლინიკაში ასევე არის 42 წლის პაციენტი, რომელიც მძიმე მდგომარეობაშია.

„კიდევ ერთი სამწუხარო ამბავი არის ის რომ, გვყავს ახალგაზრდა პაციენტი, 42 წლის, რომელიც გუშინაა ჩვენს კლინიკაში შემოსული, პაციენტთან გამოვლინდა მწვავე რესპირატორული დისტრესი, რის გამოც მოთავსდა კრიტიკული მედიცინის დეპარტამენტში. დინამიკაში მისი მდგომარეობა უარყოფითი კლინიკით გვაქვს, მიუხედავად ჩატარებული სამკურნალო ღონისძიებებისა და ნებისმიერ დროს შესაძლებელია, გადაყვანილ იქნას აპარატზე. ასევე გადმოყვანილია რამდენიმე პაციენტი სხვადასხვა კლინიკიდან, ერთის მდგომარეობა განსაკუთრებით კრიტიკულია, მას აღენიშნება მწვავე რესპირატორული დისტრეს-სინდრომი, გულის მწვავე უკმარისობით“, - აღნიშნა ლევან რატიანმა.

საქართველოში ხუთი აპრილის 18:30 საათის მონაცემებით კორონავირუსის 170 შემთხვევაა დადასტურებული, 36 პაციენტი გამოჯანმრთელდა. კარანტინის რეჟიმში 5 067 პაციენტი იმყოფება, ხოლო სტაციონალური მეთვქლყურეობის ქვეშ 330, გარდაცვლია 2 პაცინეტი.

COVID 19–ით გარდაცვალების პირველი ფაქტი გუშინ, ოთხ აპრილის დაფიქსირდა, დღეს კი მეორე ადამიანიც გარდაიცვალა.

[ნუკა სტეფნაძე, ახალციხე]