ლუგარის ლაბორატორიიდან 9 დღის ახალშობილის პასუხს ელოდებიან - COVID-19

„ერთი პაციენტი მოთავსებულია კრიტიკული მედიცინის დეპარტამენტში და მას რთული მდგომარეობა აქვს, თუმცა ვიტალური პარამეტრები შენარჩუნებულია. ასევე, ინტენსიურიდან რეანიმაციულში გადაგვყავს ერთ-ერთი, 80 წლის პაციენტი, რომელსაც სუნთქვის უკმარისობა აქვს. რაც შეეხება მარნეულიდან გადმოყვანილ 9 დღის ახალშობილს, რომელიც სუნთქვის უკმარისობით და მწვავე რესპირატორული დისტრესის სინდრომით კლინიკაში გუშინ შემოიყვანეს, ამ ეტაპზე მისი მდგომარეობა სტაბილურია, იგზავნება ნაცხი ლუგარის ლაბორატორიაში,“ –უთხრა ჟურნალისტებთან თსსუ–ს კლინიკის დირექტორმა, ლევან რატიანმა.

რატიანმა ასევე აღნიშნა, რომ სხვა პაციენტებთან, რომლებთანაც კვლევა ჩატარდა, დილით ყველას პასუხმა უარყოფითი შედეგი აჩვენა.

საქართველოში 25 მარტის 12:30 საათის მონაცემებით კორონავირუსის 73 შემთხვევაა დადასტურებული. 10 პაციენტი განკურნებულია. კარანტინის რეჟიმში იმყოფება - 4055, ხოლო სტაციონალური მეთვალყურეობის ქვეშ - 252. ქვეყანაში მოქმედებს საგანგებო მდგომარეობა, მარნეულისა და ბოლნისის მუნიციპალიტეტები ჩაკეტილია და გამოცხადებულია კარანტინის ზონებად.

[ნუკა სტეფნაძე]