თბილისის ინფექციურ საავადმყოფოში COVID 19-ით ინფიცირებული 32 პაციენტიდან ორის მდგომარეობა მძიმეა

თბილისის ინფექციური საავადმყოფოს სამედიცინო პერსონალი, ფოტო: საქართველოს პარლამენტის ეროვნული ბიბლიოთეკა

„ჩვენს პაციენტებთან დინამიურად გაუმჯობესებულია მდგომარეობა, თუმცა ჯერჯერობით კვლავ გვრჩება ძალიან მძიმედ ორი პაციენტი. ერთთან შეიმჩნევა სტაბილიზაცია, ხოლო მეორე პაცინტთთან ჯერჯერობით ვერ ხდება სტაბილიზაცია. დანარჩენებთან, მძიმე პნევმონიით მიმდინარე პაცენტებში დაავადების პროგრესირება არ მიმდინარეობს, ეს იმის მაჩვებელია, რომ ალბათ მათი გამოსავალი კეთისაიმედო იქნება და არ გახდება არცერთი კრიტიკული და მათთანაც დროულად დაიწყება გამოჯანმრთელება“,–განაცხადა ეზუგბაიამ.

ასევე, ეზუგბაიას განცხადებით მათ კლინიკას დაემატა ერთი პაციენტი მარნეულის კლასტერიდან, როგორც მან განაცხადა დღე–ღამის განმავლობაში 14 შემთხვევაა დაფიქსირებული რომელთა უმეტესობაც რეგიონებშია დაფიქსირებული.

„ახალი ინფიცირებულებიდან ერთია ჩვენთან და ეს არის მარნეულის კლასტერიდან. დანარჩენი 14 ახალი შემთხვევიდან როგორც მე ვიცი და ჩემთვის არის ცნობილი აჭარაშია“,–ამბობს მარინა ეზუგბაია.

ეზუგბაის განცხადებით, მათ კლინიკაში ამ დროისთვის კორონავირუსით 32 პაციენტი მკურნალობს.

13 აპრილის 11:10 საათის მონაცემები stopcov.ge- ზე ასეთია:

კორონავირუსის დადასტურებული შემთხვევა - 266
* მათ შორის გამოჯანმრთელებული - 67
* მათ შორის გარდაცვლილი- 3
* კარანტინის რეჟიმში - 4 890
* სტაციონარში მეთვალყურეობის ქვეშ - 443
* უცხოეთიდან სამკურნალოდ გადმოყვანილი საქართველოს მოქალაქეები- 3

საქართველოში კორონავირუსის შემთხვევა პირველად 26 თებერვალს დაფიქსირდა.

[ნუკა სტეფნაძე, ახალციხე]