მას შემდეგ რაც საქართველოში კორონავირუსის შემთხვევები დაფიქსირდა, სწავლა დრობით შეჩერდა. სასწავლებლები დისტანციურ სწავლებაზე გადავიდნენ. ფეისბუქზე ყოველდღე შეხვდებით ონლაინ შეხვედრების და ონლაინ-სწავლების ამსახველ ფოტოებსა და ვიდეოებს. სახელმწიფო ინსპექტორის სამსახურის განცხადებით, აღნიშნული მასალა წარმოადგენს პირის პერსონალურ მონაცემს და მათი გასაჯაროებისას საგანმანათლებლო დაწესებულებები, ამ დაწესებულებებში დასაქმებული პირები, ასევე, არასრულწლოვანი პირების მშობლები და ოჯახის წევრები, მეტი პასუხისმგებლობით უნდა მოეკიდონ.
„სოციალურ ქსელებში ვრცელდება ონლაინ სასწავლო პროცესის, ონლაინ შეხვედრების ამსახველი (მათ შორის, იუმორისტული) ფოტო-ვიდეო მასალა. არასრულწლოვნის მონაცემების ინტერნეტში ყველასთვის ხელმისაწვდომი ფორმით გასაჯაროებამ შესაძლოა არასასურველი ზეგავლენა მოახდინოს არასრულწლოვანზე (გახდეს ბულინგის ან სხვა სახის არასასურველი მოპყრობის ობიექტი). შესაბამისად, საგანმანათლებლო დაწესებულებები, ამ დაწესებულებებში დასაქმებული პირები, ასევე, არასრულწლოვანი პირების მშობლები და ოჯახის წევრები, მეტი პასუხისმგებლობით უნდა მოეკიდონ ბავშვების მონაცემების გასაჯაროებას და იმოქმედონ არასრულწლოვნის საუკეთესო ინტერესების გათვალისწინებით.“,-ნათქვამია უწყების მიერ გავრცელებულ განცხადებაში.
სამსახური მოსახლეობას ურჩევს რომ დისტანციური შეხვედრებისთვის თანამედროვე კოლაბორაციული კომუნიკაციის სისტემები (მაგალითად, Webex, Zoom, Teams) გამოიყენოთ.
ქვეყანაში ამ დროისთვის სულ 47 დადასტურებული შემთხვევაა. კარანტინის რეჟმში 1 966, ხოლო სტაციონალური მთვალყურეობის ქვეშ 259 პირია. გამოჯანმრთელების ერთი შემთხევა ფიქსირდება.
საქართველოში კორონავირუსის პირველი შემთხვევა 2020 წლის 26 თებერვალს
დაფიქსირდა. ინფექცია 50 წლამდე კაცს
დაუდგინდა, რომელიც საქართველოში ირანიდან, აზერბაიჯანის გავლით შემოვიდა. 29 თებერვალს კორონავირუსთან დაკავშირებით შექმნილმა საკოორდინაციო საბჭომ საგანმანათლებლო დაწესებულებებში სწავლის შეჩერების გადაწყვეტილება
მიიღო. მოგვიანებით, დისტანციურ რეჟიმზე გადავიდა თითქმის ყველა,
სამთავრობო და არასამთავრობო ორგანიზაცია. 11 მარტს ჯანდაცვის მსოფლიო ორგანიზაციამ ახალი კორონავირუსი პანდემიად
გამოაცხადა, 20 მარტიდან ქვეყნის მასშტაბით სავაჭრო ობიექტები დროებით
დაიხურა. კვების ობიექტების ნაწილი კი ე.წ გატანის სერვისზე
გადავიდა.
სამცხე–ჯავახეთის მასშტაბით საკარანტინო სივრცე მხოლოდ აბასთუმნის ცენტრშია, აქ 14 დღიანი დაკვირვებისთვის მოქალაქეები 27 თებერვლიდან
შეჰყავთ.
ამავე თემაზე:
რა სიმპტომები აქვს კორონავირუსს და როგორ დავიცვათ თავი ინფექციისგან?
კორონავირუსის ახალი შემთხვევები და დაავადებათა კონტროლის ცენტრის რეკომენდაციებიროგორია კორონავირუსის სიმპტომები და რა შემთხვევაში უნდა მიმართოთ ექიმს?
რა უნდა გაითვალისწინოთ თვითიზოლაციაში ყოფნის დროს – რეკომენდაციებიმსოფლიო ჯანდაცვის ორგანიზაციის მიერ შემუშავებული რეკომენდაციებირა უნდა ვიცოდეთ საგანგებო მდგომარეობის გამოცხადებაზე[sknews.ge]
[sknews.ge]