კორონავირუსით დაინფიცრებული პაციენტების რაოდენობა 49–მდე გაიზარდა

ამ ეტაპზე კარანტინის რეჟიმში იმყოფება 1 966 მოქალაქე, სტაციონარში მეთვალყურეობის ქვეშ - 259. 49–დან ერთი პაციენტი უკვე გამოჯანმრთელდა და ბინაზე გაეწერა, შედარებით რთულია ოთხი ინფიცირებულის მდგომარეობა, მათ ვირუსთან ერთად თანხმლები დაავადებებიც აქვთ.

დღესვე, საქართველოში საგანგებო მდგომარეობა გამოცხადდა. პრემიერ–მინისტრის განცხადებით, შეზღუდვები 21 აპრილამდე იქნება.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა. ინფექცია 50 წლამდე კაცს დაუდგინდა, რომელიც საქართველოში ირანიდან, აზერბაიჯანის გავლით შემოვიდა. 29 თებერვალს კორონავირუსთან დაკავშირებით შექმნილმა საკოორდინაციო საბჭომ საგანმანათლებლო დაწესებულებებში სწავლის შეჩერების გადაწყვეტილება მიიღო. მოგვიანებით, დისტანციურ რეჟიმზე გადავიდა თითქმის ყველა, სამთავრობო და არასამთავრობო ორგანიზაცია. 11 მარტს ჯანდაცვის მსოფლიო ორგანიზაციამ ახალი კორონავირუსი პანდემიად გამოაცხადა, 20 მარტიდან ქვეყნის მასშტაბით სავაჭრო ობიექტები დროებით დაიხურა. კვების ობიექტების ნაწილი კი ე.წ გატანის სერვისზე გადავიდა.
სამცხე–ჯავახეთის მასშტაბით საკარანტინო სივრცე მხოლოდ აბასთუმნის ცენტრშია, აქ 14 დღიანი დაკვირვებისთვის მოქალაქეები 27 თებერვლიდან შეჰყავთ.

ამავე თემაზე:

რა სიმპტომები აქვს კორონავირუსს და როგორ დავიცვათ თავი ინფექციისგან?

კორონავირუსის ახალი შემთხვევები და დაავადებათა კონტროლის ცენტრის რეკომენდაციები

როგორია კორონავირუსის სიმპტომები და რა შემთხვევაში უნდა მიმართოთ ექიმს?

რა უნდა გაითვალისწინოთ თვითიზოლაციაში ყოფნის დროს – რეკომენდაციები

მსოფლიო ჯანდაცვის ორგანიზაციის მიერ შემუშავებული რეკომენდაციები

რით განსხვავდება ერთმანეთისგან COVID-19 და გრიპი?

რა უნდა ვიცოდეთ საგანგებო მდგომარეობის გამოცხადებაზე

[sknews.ge]