ბურჯანაძის შტაბი: 'ახალციხეში საკმაოდ კარგი მაჩვენებელი გვაქვს'

მისი თქმით, მუნიციპალიტეტის მასშტაბით არაერთი დარღვევა დაფიქსირდა, რაც ეჭვს ბადებს, რომ ზოგიერთ უბანზე „კარუსელი“ ტრიალებს.

„ზოგიერთ უბნებზე მაგალითად მე-16 და 22-ე უბნებზე რეგისტრატორების მაგიდები კედელთან ისეა მიდგმული, რომ დამკვირვებელი ვერ აკვირდება მათ მუშაობას. დამკვირვებლების არაერთი თხოვნის მიუხედავად, მაგიდები არ გამოწიეს“,-ამბობს გაგა ივანიძე.

ამ დრომდე ნინო ბურჯანაძის მხარდამჭერებმა, ახალციხის მუნიციპალიტეტის მასშტაბით, 6 საჩივარი დაწერეს.

„#1 საარჩევნო უბანზე ამომრჩეველს, სადაც მას ხელი უნდა მოეწერა, შევსებული დახვდა გრაფა. ჩვენი მხრიდან დაიწერა საჩივარი, ჩაერია საოლქო კომისია და რეგისტრატორი მოხსნა. ამომრჩეველს მიეცა ხმის მიცემის საშუალება. შესაძლებელია ეს იყოს მექანიკური შეცდომა, მაგრამ დიდი ალბათობით, ეს მიანიშნებს, რომ სადღაც „კარუსელი“ ტრიალებს და ჩვენ გამოგვეპარა“,-ამბობს ივანიძე.

მისივე თქმით, „კარუსელები“ შესაძლოა ტრიალებდეს ადიგენის მუნიციპალიტეტის სოფელ უდეში: “ნაცნობი დამიკავშირდა, რომ სოფელ უდეში არ გააკეთეს მარკირება და ამომრჩეველმა ისე მისცა ხმა. ეს ნიშნავს, რომ აღნიშულ სოფელში არის „კარუსელის“ წინაპირობა.

[sknews.ge]