„საერთაშორისო გამჭვირვალობა – საქართველოს” წარმომადგენლებმა ამ დრომდე 29 საჩივარი დაწერეს.
ორგანიზაციის მონაცემებით, ფიქსირდება შემდეგი დარღვევები:
ხმის მიცემა შესაბამისი დოკუმენტაციის გარეშექუთაისის საარჩევნო ოლქის 112-ე და 120-ე უბნებზე იძულებით გადაადგილებულ პირებს შესაბამისი მოწმობის გარეშე მისცეს ხმის მიცემის საშუალება;
ქუთაისის საარჩევნო ოლქში 120-ე უბანზე ამომრჩეველს პირადობის მოწმობის ქსეროასლით მიაცემინეს ხმა.
ხმის მიცემა მარკირების პროცედურების დარღვევითმარტვილის საარჩევნო ოლქის მე-2 საარჩევნო უბანზე მარტვილის საოლქო საარჩევნო კომისიის 2 წარმომადგენელი გამოცხადდა უბანზე, რომლებმაც არ გაიარეს მარკირება, არ დაემორჩილნენ კომისიის თავმჯდომარის მითითებას და ხმა მისცეს მარკირების გარეშე. ამავდროულად, ეს პირები უხეშად ესაბრებოდნენ რეგისტრატორებსა და კომისიის წევრებს.
დაპირისპირება საარჩევნო უბანზეკრწანისის საარჩევნო ოლქის 26-ე უბანზე არასამთავრობო ორგანიზაციის „მომავლის არჩევანის" წარმომადგენელმა „ერთიანი ნაციოანალური მოძრაობის” სასარგებლოდ აგიტაცია გასწია, მას შენიშვნა მისცა არასამთავრობო ორგანიზაციიის „ადვოკატთა და იურისტთა საერთაშორისო ობსერვატორიის” წარმომადგენელმა. ამის შემდეგ ისინი გავიდნენ გარეთ და „მომავლის არჩევანის" წარმომადგენელი რამდენიმე ადამიანმა სცემა.
გადასატან ყუთებთან დაკავშირებული დარღვევებითელავის საარჩევნო ოლქის 35-ე საარჩევნო უბანში გადასატან საარჩევნო ყუთს თან გააყოლეს ამ ყუთის სიაში მყოფი ხუთი ამომრჩევლის პირადობის მოწმობა. უცნობია, თუ საიდან მოხვდა საარჩევნო კომისიაში ამ პირების პირადობის მოწმობები.
უბნის დროებითი დახურვამცხეთის საარჩევნო ოლქის 33-ე უბანზე ხმის მიცემა დაახლოებით ნახევარი საათით შეჩერდა და უბანი დაიკეტა. ამის მიზეზი ის იყო, რომ კომისიის წევრები აგვარებდნენ გადასატან ყუთთან დაკავშირებულ საკითხებს, კერძოდ, ადგენდნენ სიას.
ხარვეზიანი სიებიბათუმის საარჩევნო ოლქის 51-ე უბანზე 80-მდე ადამიანმა საკუთარი თავი ვერ იპოვა საარჩევნო სიაში.
პრობლემა სპეციალურ უბანზევაკის საარჩევნო ოლქში მე-80 სპეციალურ უბანზე (სასჯელაღსრულების დეპარტამენტი), საარჩევნო ყუთი არ იყო სათანადოდ დალუქული და სტაციონალური დამკვირვებლების მიერ დაიწერა საჩივრები. ადგილზე მივიდა ჩვენი მობილური ჯგუფი და პარალალურად უბანზე მივიდნენ საოლქო კომისიის წევრები, რომლებმაც დროებით შეაჩერეს ხმის მიცემის პროცედურა. ამის შემდეგ მათ მიერ მოხდა საარჩევნო ყუთის სათანადოდ დალუქვა და გაგრძელდა ხმის მიცემის პროცედურა. საბოლოოდ, მათი და საუბნო კომისიის თავჯდომარის მიერ გაკეთდა შესაბამისი შენიშვნა. ხმის მიცემის პროცესის შეჩერებამდე უბანზე ხმა მიცემული ჰქონდა 100 ამომრჩეველს და სიაში დარჩენილი იყო 55 ამომრჩეველი. ამასთანავე, საოლქო კომისიის წევრების განმარტებით აღნიშნული უბნიდან შემაჯამებელი ოქმისა და შესაბამისი დოკუმენტაციის გამოგზავნის შემდეგ საოლქო კომისია იმსჯელებს უბნის ბათილობაზე.
შეგახსენებთ, „საერთაშორისო გამჭვირვალობა – საქართველოს“ 370 ადგილობრივი დამკვირვებელი, არჩევნებს ქვეყნის მასშტაბით 330 საარჩევნო უბანს აკვირდება, ორგანიზაცია 73 საარჩევნო ოლქიდან 66-ს ფარავს. ორგანიზაციაში აცხადებენ, რომ უბნების შერჩევა შემთხვევითი შერჩევის პრინციპით მოხდა. სტაციონარული დამკვირვებლების გარდა, საარჩევნო პროცესებს 40 მობილური ჯგუფიც ადევნებს თვალს. დღის განმავლობაში მობილური ჯგუფები განსაკუთრებულ ყურადღებას აქცევენ იმ უბნებს, სადაც პრობლემები წარმოიშვება.
ორგანიზაციამ პირველი ანგარიში, 07:00 - 12:00 მონაცემებზე დაყრდნობით გამოაქვეყნა და დღის ბოლომდე კიდევ ერთ ანგარიშს წარმოადგენს.
[sknews.ge]