წაღვერში, მე–13 უბანზე, ორი საჩივარი დაიწერა

ერთი საჩივარი ლევან ცქიფურიშვილმა უბნის მოწყობის გამო დაწერა. მისი თქმით, რეგისტრატორების მაგიდები კედელთან ძალიან ახლოს იყო. საჩივრის დაწერის შემდეგ, მაგიდები გამოწიეს.

მეორე საჩივარი კი კაბინაში ორი ამომრჩევლის შესვლის გამო დაიწერა. უბანზე, საარჩევნო კაბინაში, დედას, რომელიც დახმარებას ითხოვდა, შვილი შეჰყვა.

ცქიფურიშვილი მიიჩნევს, რომ შვილს ხმა უკვე მიცემული ჰქონდა და შეყოლის უფლება არ ჰქონდა.

ამ საჩივარზე ახსნა–განმარტება დაწერა ცესკოს წარმომადგენელმა თეა გავაშელმა. მისი თქმით, შვილს ჰქონდა უფლება, დედას შეჰყოლოდა უბანზე, იმიტომ რომ ამ დროსათვის უბანი დატოვებული არ ჰქონდა. გავაშელის ახსნა–განმარტებას დაეთანხმნენ ხელმოწერით საიას, "ქართული ოცნების", მრავალეროვანი საქართველოსა და "პატრიოტთა ალიანსის" დამკვირვებლები.

[sknews.ge]