ვანო მერაბიშვილი ახალციხის ციხეზე იმყოფება

მერაბიშვილი ახალციხეში, დღეს, 21 თებერვალს ჩამოვიდა, ჯერ მშობლები მოინახულა, შემდეგ კი ახალციხის ციხეს ესტუმრა.

"ეს არ არის შეხვედრა ოპოზიციასთან, მოვინახულეთ მეგობრებმა, ახალციხის ციხე უნდა დაათვალიეროს", – განაცხადა "ევროპული საქართველოს" წარმომადგენელმა ვაჟა ჩიტაშვილმა.

„არ გვქონია პოლიტიკურ გეგმებზე საუბარი ეს იყო შეხვედრა ნაცნობებთან და მეგობრებთან რომლებიც მას აფასებენ და პატივს სცემენ. ვინც თვლიდა, რომ ვანო იყო პოლიტიკური პატიმარი. ვანომ განაცხადა, რომ აპირებს ჩართვას პოლიტიკაში. მე და ჩემი გუნდი მზად ვართ ისევ დავუდგეთ გვერდში საკეთილდღეო საქმეებში, თუ ეს მისი სურვილიც იქნება. მისი პოლიტიკური გეგმა უკავშირდება არა მარტო სამცხე–ჯავახეთს, მთლიანად საქართველოს, დანარჩენს თვითონ გიპასუხებთ", – განაცხადა ახალციხის ციხეზე „ევროპული საქართველოს“ ახალციხის შტაბის ხელმძღვანელმა გელა დემეტრაძემ.

ყოფილმა პრემიერმა და შს ყოფილმა მინისტრმა ვანო მერაბიშვილმა სასჯელაღსრულების დაწესებულება გუშინ, 20 თებერვალს დატოვა. ციხიდან გამოსვლის შემდეგ ჟურნალისტებთან განაცხადა, რომ პოლიტიკაში დაბრუნებას აპირებს, თუმცა ჯერ არ გადაუწყვეტია რომელ პარტიას შეუერთდება: "მე გაძლევთ გარანტიას, რომ ერთ წელიწადში ეს ხელისუფლება დასრულდება".

მის პოლიტიკურ განცხადებას გამოეხმაურნენ, როგორც მმართველი ასევე ოპოზიციური პარტიების ლიდერები.

ასევე გირჩევთ:

ვინ ითანამშრომლებს და ვინ არა ვანო მერაბიშვილთან – ოპოზიციის განცხადებები

'იგი დროსა და სივრცეშია დაკარგული' – კახი კალაძე მერაბიშვილის გათავისუფლებას ეხმაურება

[sknews.ge]