ვანო მერაბიშვილი მაჟორიტარად კენჭს სამცხე-ჯავახეთში იყრის

ყოფილი შს მინისტრი ვანო მერაბიშვილი, მიმდინარე წელს, საპარლამენტო არჩევნებში, მაჟორიტარად კენჭს „ნაციონალური მოძრაობიდან“, სამცხე-ჯავახეთში იყრის. ამის შესახებ რეგიონში „ნაციონალური მოძრაობისა“ და „ევროპული საქართველოს“ წარმოადგენლებმა საჯაროდ პირველად "სამხრეთის კარიბჭესთან" გადაცემა „კვირის აქცენტში“ განაცხადეს.

„საზოგადოებისთვის უცხო არ არის, რომ „ერთიანი ნაციონალური მოძრაობა“ სამცხის ოლქში წარადგენს ვანო მერაბიშვილის კანდიდატურას. რისი თქმის უფლებაც მე მაქვს, ამ ეტაპზე ჩემთვის ცნობილია, რომ „ევროპული საქართველო“ არ აპირებს კანდიდატის წარდგენას და ღია მხარდაჭერას უცხადებს ჩვენს რეგიონში ვანო მერაბიშვილის კანდიდატურას“, – განაცხადა "ნაციონალური მოძრაობის" წარმომადგენელმა კობა სანდროშვილმა.

ყოფილმა მინისტრმა სასჯელაღსრულების დაწესებულება თთქმის 7 წლიანი პატიმრობის შემდეგ, 20 თებერვალს დატოვა. ციხიდან გამოსვლის შემდეგ ჟურნალისტებთან განაცხადა, რომ პოლიტიკაში დაბრუნებას აპირებს, თუმცა ჯერ არ გადაუწყვეტია რომელ პარტიას შეუერთდება.

[მარიამ ბარძიმაძე,ახალციხე]