სამხატვრო სკოლაში გამოფენა წუთიერი დუმილით გაიხსნა [ფოტო]

როგორც სამხატვრო სკოლაში სკოლაში ამბობენ, წინა წლებისგან განსხვავებით წელს გამოფენა საზიმო ვითარებააში არ გახსნილა.

„ამ გამოფენას საზეიმო სახეს ვერ ვაძლევთ, როგორც გვჩვევია. სამწუხარო ფაქტი მოხდა ლუკა სირაძის გარდაცვალებასთან დაკავშირებით, რის გამოც დიდ წუხილს გამოვთქვამთ და ვიზიარებთ, რომ შეგვძლებოდა გამოფენას საერთოდ არ გავმართავდით, მაგრამ ეს არის სემესტრული გამოფენა, ანგარიშვალდებულები ვართ ბავშვების და მშობელების წინაშე“,–ამბობს სამხატვრო სკოლის დირექტორის მოვალეობის შემსრულებელი ლელა ფერაძე.

სამხატვრო სკოლის 300–მდე მოსწავლის მიერ ზეთის საღებავებით შესრულებული ნახატები, ასევე თიხის, ფაიფურის, თექის, ბატიკისა და ვიტრაჟისგან შექმნილი ნამუშევრები ორი კვირის განმავლობაში იქნება გამოფენილი.

„თითო მოსწავლის დაახლოებთ ორ–ორი ნამუშევარია გამოფენილი. საკმაოდ ბევრის ნაშრომი გროვდება წლის განმავლობაში, მაგრამ ყველას აქ ვერ წარმოვადგენთ, რადგან ამის საშუალება არ არის“,–ამბობს ლელა ფერაძე.













[ნუკა სტეფნაძე, ზურა სულაბერიძე, ახალციხე]