სამხატვრო სკოლაში სააღდგომო გამოფენა გაიმართა

ახალციხის სამხატვრო სკოლის მოსწავლეებმა დღეს, 22 აპრილს სწავლების პროცესში აღდგომის თემატიკაზე შექმნილი ნამუშევრები გამოფინეს.

„წარმოდგენილი აქვთ როგორც ფერწერა, ასევე გრაფიკა, კომპოზიცია, ასევე არის ძალიან ორიგინალური ნამუშევრები კერამიკაში, მინაში, ვიტრაჟში, გაკეთებული აქვთ სხვადასხვა თოჯინები“, – ამბობს სამხატვრო სკოლის დირექტორი ნანა ნათენაძე.

ახალციხის სამხატვრო სკოლის მოსწავლეების ნამუშევრების დათვალიერება მსურველებს მხოლოდ ერთი დღის განმავლობაში შეეძლოთ.

„სამწუხაროდ ჩვენ არ გვაქვს საგამოფენო დარბაზი, ამიტომ მარტო დღეს იქნება გამოფენა. ხვალიდან სკოლაში ჩვეულებრივი სასწავლო პროცესი გრძელდება“, – ამბობს ნანა ნათენაძე.

[თამარ თოთაძე, ახალციხე]