საშობაო გამოფენა სამხატვრო სკოლაში

სამხატვრო სკოლაში ნატურმორტები, პეიზაჟები, პორტრეტები, ასევე კერამიკით, თექით, ვიტრაჟითა და ბატიკით შესრულებული ნამუშევრები იყო წარმოდგენილი.

მოსწავლეებმა ის ნამუშევრები გამოფინეს, რომლებზეც მთელი წლის განმავლობაში მუშაობდნენ.

ახალციხის სამხატვრო სკოლაში 270 მოსწავლე სწავლობს, თუმცა, როგორც დირექტორი ნანა ნათენაძე ამბობს, დარბაზის სიმცირის გამო, ამ ეტაპზე ყველა მოსწავლის ნამუშევარი ვერ გამოფინეს: „დაახლოებით 70–მდე ნამუშევარი გამოიფინა“.

სკოლაში გამოფენა დღეს გაიხსნა და ორშაბათამდე დარჩება.

გამოფენას ახალციხის ადგილობრივი ხელისუფლების წარმომადგენლები, ასევე, მოსწავლეთა მშობლები და ახლობლები ესწრებოდნენ.
გამოფენის დასასრულს დირექტორმა 25 კურსდამთავრებულს სერტიფიკატი გადასცა.







[მარიამ ბარძიმაძე, ახალციხე]