სამხატვრო სკოლაში გამოფენა მოეწყო

სამხატვრო სკოლაში მოსწავლეების 50-მდე ნამუშევარია გამოფენილი. სკოლის დირექტორის ნანა ნათენაძის თქმით, მსგავსი გამოფენები ყოველი სემესტრის დასასრულს ეწყობა.

- ”ბავშვებმა საგაზაფხულო სემესტრში შექმნილი ნამუშევრები გამოფინეს. აქ წარმოდგენილია ფერწერა, კომპოზიცია, პეიზაჟები, კერამიკასა და თიხაში შესრულებული ნამუშევრები”, - ამბობს ნანა ნათენაძე და ამატებს, რომ ფართის სიმცირის გამო ყველა ნახატის გამოფენა ვერ მოხერხდა.

ნამუშევრების ავტორები ამბობენ, რომ ნახატებისა და თიხის ნამუშევრების შექმნა საკმაოდ შრომატევადი საქმეა.

- ”ამ გამოფენაზე ჩემი რვა ნახატი გამოიფინა. გარდა ამისა, თიხასა და თაბაშირშიც ვმუშაობ. თითო ნამუშევარზე დაახლოებით სამი კვირა მჭირდება”, - ამბობს სამხატვრო სკოლის მეხუთე კურსის მოსწავლე ვერიკო ქაფიანიძე.

ახალციხის სამხატვრო სკოლაში სკოლის მოსწავლეების ნახატები საქტემბრამდე იქნება გამოფენილი.

[ნინო ზედგინიძე, ახალციხე]