განათლების სამინისტრო ესეების კონკურსს აცხადებს

ევროპის საბჭოს ოფისი საქართველოში და საქართველოს განათლების, მეცნიერების, კულტურისა და სპორტის სამინისტრო სთავაზობენ საქართველოს სკოლებს, საკუთარ კლასებში მოაწყონ თანასწორობისა და მრავალფეროვნების საკითხების გარშემო დისკუსიები; ასევე, იწვევენ 15-18 წლის ასაკის მოსწავლეებს, მონაწილეობა მიიღონ ესეების კონკურსში, თემაზე მრავალფეროვნება და თანასწორობა საქართველოში.

ესეების კონკურსი ემსახურება კამპანია „მე ვირჩევ თანასწორობას“ ცნობადობის ამაღლებას და საქართველოში ევროპის საბჭოს წარმომადგენლობის ეგიდით ტარდება.

ესეს თემა

მე ვირჩევ თანასწორობას, იმიტომ, რომ...?

თემა უნდა განვითარდეს დღევანდელ საქართველოში თანასწორობისა და მრავალფეროვნების მნიშვნელობის ირგვლივ და ემყარებოდეს ავტორის პირად გამოცდილებასა და თვალსაზრისს ან/და საქართველოს ისტორიას, ლიტერატურასა და კულტურას.

მონაწილეობის პრინციპი

ესე უნდა დაიწეროს ქართულად
მაქსიმალური მოცულობა 1000 სიტყვა.

ნამუშევრები მოწოდებული უნდა იყოს ელ-ფოსტით, MS Word ფორმატში, 12 pt ზომის (ნებისმიერი ფონტის შემთხვევაში), შავი ფონტით, სტრიქონებს შორის ორმაგი დაშორებით, დანომრილი გვერდებით.

გთხოვთ, თქვენი ესე გამოგზავნოთ 2019 წლის 30 ნოემბრის შუაღამემდე, საქართველოს დროით, რაც ესეს მიღების ოფიციალური ბოლო ვადაა. ბოლო ვადის შემდეგ მიღებული ნამუშევრები არ იქნება განხილული.

ნამუშევრები უნდა გამოიგზავნოს მეილზე anti-discrimination@coe.int

შეფასება

ნამუშევრები შეფასდება ევროპის საბჭოს საქართველოს ოფისის წარმომადგენლობითი ჯგუფის, ევროპის საბჭოში საქართველოს მუდმივმოქმედი წარმომადგენლობის, საგარეო საქმეთა სამინისტროს, განათლების, მეცნიერების, კულტურისა და სპორტის სამინისტროს, პარლამენტის წევრების და საქართველოს სახალხო დამცველის მიერ.

ჯილდოები

10 საუკეთესო თემა დამუშავდება კრებულად და სკოლები და ავტორები მიიღებენ გამოცემის ასლებს.

1 x პირველი ადგილი

მასწავლებლების თანხლებით, ევროპის საბჭოში (სტრასბურგი, საფრანგეთი) ვიზიტი.

ასევე სხვადასხვა პრიზები გადაეცემათ პირველ ათეულში მოხვედრილ მონაწილეებს.

საავტორო უფლება

თქვენი ესეს მოწოდებით, თქვენ გვანიჭებთ ექსკლუზიურ უფლებას მსოფლიოს მასშტაბით თქვენი ტექსტის გამოცემასა და/ან გავრცელებაზე ელექტრონულ ფორმატში, ნაბეჭდი სახით ან ნებისმიერ სხვა მატარებელზე. ჩვენ უზრუნველვყოფთ, რომ თქვენი სახელი ყოველთვის გარკვევით იყოს მითითებული ესე ტექსტში და ვიტოვებთ ტექსტში აუცილებელი სარედაქციო ცვლილებების შეტანის უფლებას. ჩვენ არ შევიტანთ თქვენ ტექსტში მნიშვნელოვან ცვლილებებს თქვენთან კონსულტაციის გარეშე.

[sknews.ge]